Er The Dark Knight besta kvikmynd allra tíma?

Internet Movie Database (IMDB) sem er langmest notaða kvikmyndasíðan á netinu er með lista yfir 250 bestu kvikmyndir allra tíma. The Godfather hefur setið á toppnum í mörg ár, en var tímabundið vikið þaðan á meðan The Lord of the Rings kvikmyndirnar slóu öll met. Þær myndir komust upp í 9.2 í einkunn, en komust aldrei jafn hátt og The Dark Knight stendur núna, með 9.5 í einkunn og af netheimum í dag talin vera besta kvikmynd allra tíma miðað við 23.611 atkvæði.

Einkunnin á sjálfsagt eftir að breytast eitthvað með tíð og tíma og spurning hversu lengi hún telst best þeirra alla. Það er nokkuð ljóst að þetta er ein af þessum myndum sem maður verður einfaldlega að sjá í bíó til þess að teljast maður með mönnum.

 

 

Heimildir: Internet Movie Database

Kvikmynd um Leðurblökumanninn setur aðsóknarmet

Athugasemdir

[Helgi S. Karlsson (IP-tala skráð) 20.7.2008 kl. 14:08]

Já, þetta kom mér virkilega á óvart verð ég að segja. Maður verður þó smá efins um hvort hér sé um raunverulega einkunn að ræða, en þó tel eg að ekkert vefsvindl fengi að standa svo lengi ó áreitt.

[Ómar Ingi, 20.7.2008 kl. 14:23]

Hún er ein af bestu kvikmyndum allrar tíma.

Get ekki beðið að sjá hana í 3 skiptið.

Gæsahúð

Chris Nolan er snillingur

[Hrannar Baldursson, 20.7.2008 kl. 14:43]

Búinn að sjá hana tvisvar? Hvar skrái ég mig í klúbbinn?

[Jónas (IP-tala skráð) 20.7.2008 kl. 17:45]

Ansi er ég hræddur um að það sé búið að "hæpa" þessa mynd uppúr öllu valdi sökum dauða Ledger.

[Ómar Ingi, 20.7.2008 kl. 19:28]

Er að vinna hjá SAM , það er búið að sýna hana nokkrum sinnum dúllan mín.

Er ekki glæpamaður sem downloadar myndum.

[Þorsteinn (IP-tala skráð) 20.7.2008 kl. 20:04]

Sem stendur er hún með 46.915 vote og imdb einkunn uppá 9,7!

Það er samt alltaf gaman að skoða dreifingu einkunnana og skoða niðurstöðurnar í því samhengi.

http://www.imdb.com/title/tt0468569/ratings

Hér sést að það er ekki nema hjá konum 30-44 ár og svo hjá fólki eldra en 45 sem einkunnin fer pínulítið að falla. En auk þess gefa top 1000 voters myndinni ekki nema 7,9 (það eru reyndar bara 65 af þeim búnir að gefa myndinni einkunn). Hvað þetta þýðir er erfitt að segja til um, en það er þó líklegt að top 1000 voters eru þeir sem hafa horft á mikið magn mynda og líklega aðeins meira inní kvikmyndum en meðalmaðurinn. Það getur líka þýtt að þessir top1000 séu meiri kvikmynda snobbarar og að þeir telji að mynd sem sé þetta commercial eigi ekki skilið að fá of góða einkunn. Margt í stöðunni, en allavega fannst mér þessi munur athyglisverður og töluvert mikill.

Þegar þetta er skoðað út frá næstu 10 myndunum á top 250 listanum má líka sjá að engin mynd hefur þennan mikla mun milli imdb einkunnar og top1000 einkunnar. Næsta mynd er Schindlers list þar sem munurinn er 1,0. Dark Knight er aftur á móti með 1,8 í mun.

Maður bíður engu að síður spenntur eftir að komast í bíó og sjá þessa :D

[Hrannar Baldursson, 20.7.2008 kl. 20:31]

Ómar: frábært að þú skulir fá tækifæri til að kíkja snemma á myndirnar. Hvað þarf maður að gera til að komast í svonalagað?

Þorsteinn: Góð greining hjá þér, og merkilegt þetta með topp 1000 stjörnugefendur á IMDB. Reyndar er svolítið af fólki til sem móðgast þegar vinsælar myndir fá háa dóma. Ég veit ekki alveg af hverju.

[Ómar Ingi, 20.7.2008 kl. 20:38]

The Dark Knight took in a record $155.34 million in its first weekend, says Dan Fellman, head of distribution for Warner Brothers.

Já DON

Hrein forrréttindi

[Pétur Fannberg Víglundsson, 20.7.2008 kl. 21:49]

Er staddur í Orlando og er kominn með miða á Dark Knight í IMAX á þriðjudagskvöldið. Get ekki beðið...

[AK-72, 21.7.2008 kl. 10:01]

Reynslan hefur sýnt það í gegnum tíðina að nýjar myndir sem stökkva hátt upp á listann hjá IMDB við fyrstu helgi, lækka svo síðar niður listann þar semmyndin fær raunsætt sæti eftir nokkrar vikur

Ég hef reyndar þá reglu, að gefa ekki toppeinkun fyrr en eftir að hafa séð mynd í annað sinn. Sumar myndir eru nefnilega þannig að þær þola ekki annað áhorf án þess að gallar sjáist.

[Hrannar Baldursson, 21.7.2008 kl. 10:04]

AK-72: Ég hef sömu reglu. The Dark Knight á eftir að falla eitthvað, en spurningin er hvar hún lendir á endanum. Um 45.000 atkvæði með 9.7 í einkunn sýnist mér frekar merkilegt, og það af notendum sem kjósa reglulega á IMDB.

[AK-72, 21.7.2008 kl. 10:45]

Jamm, þetta eru assgotti góðir dómar og líklegast verður þetta fyrsta myndin sem ég kíki á í bíó, í lengri tíma.

Reyndar eru svona hástökkvarar einnig þekktir í Bottom 100 á IMDB. Þá kemur ný mynd og hrifsar titlinn sem versta myndin en eftir nokkrar vikur þá er kóngurinn:Manos, hands of fate, búið að ná toppnum á ný. Mæli annars með heitu, löngu baði eftir þá mynd

[Jóhanna Magnúsar- og Völudóttir , 21.7.2008 kl. 10:59]

Krúttlegt að aðeins kallar hafa kommentað um ,,Dark Knight" .. væri eflaust eitthvað annað uppá teningnum ef hér væri rætt um Mamma Mia..  .. held ég verði nú samt að sá þennan svarta riddara, þó að hvítir séu nú þeir sem flestar konur eru hrifnari af og sumar bíði að eilífu eftir.

Takk annars fyrir skemmtilegar kvikmyndaumfjallanir.