Spjallþáttastríð: Conan O'Brian út, Jay Leno inn

Fyrir sjö mánuðum hætti Jay Leno sem þáttarstjórnandi vinsælasta kvöldþáttar NBC sjónvarpsstöðvarinnar í mörg ár, "The Tonight Show" og fékk Conan O'Brian taumana. Vinsældir féllu. Reyndar hröpuðu þær.

O'Brian er þekktur fyrir frekar djarfan stíl. Hann þykir frekar súrrealískur. Jay Leno þykir mýkri. Virkar betur fyrir fjöldann.

Ákveðið hefur verið að sparka O'Brian. Talað er um að hann fái ekki nema 30-40 milljónir dala í skaðabætur, nema hann byrji fljótlega með annan spallþátt hjá annarri sjónvarpsstöð.

Pældu í upphæðinni!

30-40 milljónir dala? Þetta eru kr. 3,751,794,715,- (þrír milljarðar, sjöhundruðfimmtíu og ein milljón, sjöhundruð nítíu og fjögur þúsund, sjöhundruð og fimmtán krónur) til kr. 5,002,392,953,- (fimm milljarðar, tvær milljónir, þrjúhundruð níutíu og tvö þúsund, níuhundruð fimmtíu og þrjár krónur).

Hvað hefur einn maður að gera við slíkan auð?

Athugasemdir

[Arinbjörn Kúld, 17.1.2010 kl. 16:56]

Fá sér diet kók til dæmis?

Kveðja að norðan.

[SeeingRed, 17.1.2010 kl. 23:06]

Afar fáir sem höndla svo mikið fé án þess að breyast í kjánalegann apa.

[esteban13 (IP-tala skráð) 18.1.2010 kl. 03:11]

Ekki leggjast svo lágt að commenta á þetta, Hrannar . . . !

Þú ert hugsandi gaur, right!?

[Hrannar Baldursson, 18.1.2010 kl. 07:18]

Esteban: Hugsandi gaur? Jú. Yfir einhver málefni hafin? Vonandi ekki.

Ég kíki stundum á þessa þætti þegar ég er staddur í Bandaríkjunum, og viðurkenni að það er margt vel skrifað í þeim báðum, en mér datt aldrei í hug að þessir gaurar væru á svona svimandi háum launum fyrir að segja brandara fyrir framan myndavél.