Hvað værirðu til í að borga fyrir eilíft líf?

Værirðu til dæmis til í að fórna útlitinu þannig að þú litir hreint viðbjóðslega út, en gætir samt lifað að eilífu við góða líkamlega og andlega heilsu?

Hversu háa greiðslu værirðu til í að leggja af hendi?

 

Athugasemdir

[DoctorE (IP-tala skráð) 26.7.2008 kl. 11:47]

Mig langar ekki að lifa að eilífu.

[Sigurður Rósant, 26.7.2008 kl. 12:08]

Þeir sem tilheyra þessum minni og sjálfstæðu söfnuðum láta sér nægja að borga 10% af brúttó tekjum og einhver samskot að auki þegar mikið liggur við.

Ég myndi hins vegar vilja borga með öllum mínum tekjum til að losna við eilíft líf eins og því er lýst í Biblíunni og Kóraninum. Þá vel ég frekar frystingu við -273°C á sveimi í himingeimnum.

[Ómar Ingi, 26.7.2008 kl. 13:00]

Hver myndi virkilega vilja lifa að Eílífu ?

Ekki ég , nei takk

[Hrannar Baldursson, 26.7.2008 kl. 13:54]

Hvað er þetta, hafa menn svona mikla fordóma gagnvart ódauðleikanum? Sjálfur væri ég alveg til í að lifa að eilífu, að minnsta kosti um stundarsakir.

[Kolbrún Hilmars, 26.7.2008 kl. 14:10]

Það eru örugglega margir sem þæðu Dorian Gray uppskriftina miðað við æskudýrkun nútímans

Hinn möguleikann skv. spurningu þinni, Hrannar, væri ég alveg til í að skoða svona forvitninnar vegna - en eingöngu gegn ríflegu gjaldi - til mín!

[Hrannar Baldursson, 26.7.2008 kl. 15:46]

Kolbrún: það væri svosem ágætt að lifa að eilífu gegn greiðslu. Það hafði mér ekki dottið í hug.

[Hafrún (IP-tala skráð) 26.7.2008 kl. 17:00]

Ekki séns að ég myndi vilja lifa af eilífu amk ekki hér á jörðinni.  Væri ekki til í að lifa alla sem ég þekki og hef tengst.  En væri svo sem alveg til í að það væri til himnaríki eins og ég skilgreindi það þegar ég var sirka 5 ára og þannig væri eilíft líf.

[Hrannar Baldursson, 26.7.2008 kl. 17:10]

Má ég spyrja Hafrún: hvernig sástu himnaríki fyrir þér þegar þú varst fimm ára?

[Hrannar Baldursson, 26.7.2008 kl. 18:08]

Hvernig þá, Skúli? Mig grunar að þú sért að hugsa til Platóns og Sókratesar núna. Getur það verið?

[Hafrún (IP-tala skráð) 27.7.2008 kl. 01:55]

Þá hitti maður alla sem maður þekkti sem voru dánir og horfði niður á hina sem enn voru á lífi.  Himnaríki var á skýjunum og það var voða mjúkt að labba á þeim og frábært að sofa á þeim.  Skýin löguðu sig að líkamanum.  Maður fór í gegnum gullna hliðið sem var bókstaflega úr gulli og Lykla Pétur var voða viðkunnalegur.  Allir voru góðir, alltaf gott veður, alltaf sól, engin skóli og maður gat endalaust leikið sér.  Sirka svona.

Man reyndar eftir því að ég velti fyrir mér hvert himnaríki færi þegar það var heiðskýrt.

[Hrannar Baldursson, 27.7.2008 kl. 11:31]

Skúli: Ég var að ímynda mér úlfalda fara í gegnum nálarauga - það er ófögur sýn, en væri sjálfsagt sniðugur réttur á veitingahúsi: næfurþunnir úlfaldastrimlar.

Mér líst vel á himnaríkið hjá þér Hafrún. Hvar og hvernig fæ ég miða?