The Beatles: Across the Universe (2007) ***1/2

Across the Universe er stórskemmtilegur söngleikur, sem minnir annars vegar á Dancer in the Dark (2000) hennar Bjarkar Guðmundsdóttur, og hins vegar á hippasöngleikinn Hair (1979). Öll lögin eru eftir Bítlana og eru skemmtilega flutt af aðalleikurunum, auk ágætra gesta eins og til dæmis Bono sem tekur "I am the Walrus".

Atburðirnir sem sögupersónur lenda í eru byggðar á atburðum og ástandi í Liverpool og New York frá um það bil 1966-1970. 

Jude (Jim Sturgess) er ungur maður frá Liverpool sem þráir það eitt að hitta föður sinn, en hann var bandarískur hermóður sem barnaði móður hans og fór svo til Bandaríkjanna og stofnaði sitt eigið heimili. Á ferð sinni til Bandaríkjanna eignast Jude traustan vin í Max (Joe Anderson) og kynnist systur hans Lucy (Evan Rachel Wood), en þar felst ástin á bakvið söngvana.

Ég mæli eindregið með þessari mynd, sérstaklega ef þú hefur gaman af Bítlatónlist. Það eru svolítið skrítin atriði inn á milli sem virðast ekki vera í samhengi við annað sem er að gerast, en þegar maður hugsar út í það, þá hefði ekki mátt sleppa þessum atriðum.

Ég elska þessa mynd!

Dýpri gagnrýni birtist á Seen This Movie innan sólarhrings.

 

Leikstjóri: Julie Taymor

Einkunn: 9

 

Ef þú gætir ákveðið í dag að vakna á morgun með ákveðinn hæfileika eða eiginleika, hvað yrði fyrir valinu?

Ímyndaðu þér að þú þyrftir ekki að fara í nám til að læra að gera eitthvað ákveðið, eða bæta skapgerð eða þína persónu á einhvern hátt. Hvaða hæfileika eða eiginleika myndirðu óska þér?

 

Mynd: Sportrider.com

Hvað værirðu til í að borga fyrir eilíft líf?

Værirðu til dæmis til í að fórna útlitinu þannig að þú litir hreint viðbjóðslega út, en gætir samt lifað að eilífu við góða líkamlega og andlega heilsu?

Hversu háa greiðslu værirðu til í að leggja af hendi?