Hvenær er trúnaður ekki lengur trúnaður, og leynd orðin að yfirhylmingu?

 

 

Segjum að þú skutlir vini þínum út í banka, og þér að óvörum kemur hann til baka í bílinn með grímu yfir andlitið og fullar hendur fjár. Hann biður þig að segja engum frá. Ef þú samþykkir, ertu samsekur. Ef þú samþykkir ekki, og lætur lögregluna vita, ertu þá að rjúfa trúnað við vin þinn, eða einfaldlega gera það sem er rétt?

Fólk misnotar leynd og trúnað í daglegu lífi og áttar sig ekki á greinarmuninum á leynd og yfirhylmingu. Til dæmis ef unglingur kemst að því að besti vinur hans er kominn á kaf í dóp, en lofar þessum vini sínum að segja engum frá. Hvað er rétt fyrir unglinginn að gera, segja frá til að koma vini sínum til hjálpar, og reynast þannig sannur vinur, eða þegja yfir vandanum og viðhalda þannig sambandi sem byggir ekki lengur á heilindum, heldur óheilindum, og mun þannig fyrr eða síðar falla um sjálft sig?

Þessar spurningar eru sjálfstætt framhald af færslu gærdagsins, þar sem ofsóknir á hendur þeim sem fjalla um bankaleyndarmál eru gagnrýndar:

Á að krossfesta íslenska rannsóknarblaðamenn fyrir að grafa upp sannleikann?

"Ef þú brýtur einu sinni gegn trausti meðborgara þinna, muntu aldrei njóta virðingu þeirra og halda mikilvægri stöðu. Það er satt að þú getur blekkt alla stundum; þú getur jafnvel blekkt suma alltaf; en þú getur ekki blekkt alla, alltaf." (Abraham Lincoln)

Athugasemdir

[Rafn Haraldur Sigurðsson (IP-tala skráð) 16.8.2009 kl. 09:16]

Góður pistill hjá Hrannar.

kveðja Rafn.

[Lissy (IP-tala skráð) 16.8.2009 kl. 09:58]

Are you sure that quote is from Abraham Lincoln?

[Hrannar Baldursson, 16.8.2009 kl. 10:51]

Ég þekkti manninn ekki persónulega, en fann þetta sem tilvísun á netinu:

Abraham Lincoln

"If you once forfeit the confidence of your fellow citizens, you can never regain their respect and esteem. It is true that you may fool all of the people some of the time; you can even fool some of the people all of the time; but you can't fool all of the people all of the time."

http://www.wisdomquotes.com/003851.html

[Óskar Þorkelsson, 16.8.2009 kl. 10:54]

góða hugleiðingar Hrannar

[Ómar Ingi, 16.8.2009 kl. 12:36]

Abe var góður kall