Sumarfríið búið og liðin er bloggtíð með blóm í haga

 

 

 

Ég hafði 10 daga í sumarfríinu til að gera nákvæmlega það sem mig langaði að gera, svona eins og: ef þú hefðir engum skyldum að gegna í 10 daga, hvað myndir þú gera við tímann? Eitt af því sem ég valdi mér var að einbeita mér að bloggi. Það er mjög spennandi að gefa sér til tíma til að setja sig inn í umræðuna um það sem er efst á baugi og taka virkan þátt.

En þar sem ég er virkur fjölskyldumaður í fullri vinnu, kalla aðrir hlutir en bloggið á fasta athygli mína. Það var gaman að vera með af fullum krafti í þetta korter og þakka ég kærlega fyrir góð viðbrögð.

Ég ákvað að skrifa aðeins greinar um mál þar sem mér fannst eitthvað vanta í umræðuna, ákvað að vanda greinarnar, og blogga sem sjaldnast út frá fréttum. Þetta skilaði mér í 3. sætið á vinsældarlista bloggsins. 

Mig langar að þakka fyrir hvatningu og hrós, og sífellt jákvæða strauma frá bloggsamfélaginu og öðrum þeim sem skrifuðu athugasemdir. 

Í framtíðinni mun ég skrifa færri og styttri greinar á bloggið, og ekki svara öllum athugasemdum. Til þess hef ég einfaldlega ekki tíma.

Á ritvellinum, sem orðinn er mitt áhugamál númer eitt, og hefur tekið við af skákinni sem slíkt, verða í forgangi greinar fyrir ritstjóra tímarits sem sýndi skrifum mínum áhuga, og fær viðkomandi í staðinn vel unnar greinar. Einnig mun ég gefa skáldsögu sem ég er að skrifa meiri tíma og athygli.

Hvað fékk ég út úr þessum 10 dögum á blogginu? Í fyrsta lagi náði ég að kynnast bloggvinum mínum aðeins betur, trú mín á sjálfum mér sem rithöfundi hefur stækkað, mér hefur gefist tími til að kynnast eigin rödd betur. Þessir síðustu 10 dagar voru mér góður leiðarvísir inn í framtíðina.

 

Takk fyrir mig.

Athugasemdir

[Elín (IP-tala skráð) 12.8.2008 kl. 08:59]

Það hefur verið mjög gaman að fylgjast með blogginu þínu undanfarið:) Það er auðvitað ekki nokkur spurning að þú ert mjög góður penni og ég hlakka mikið til að lesa skáldsöguna þína! Viltu upplýsa um hvað hún er?

[Hrannar Baldursson, 12.8.2008 kl. 09:13]

Elín: Þða eina sem ég get sagt um skáldsöguna er að hún verður ekki þunglamaleg, heldur reyni ég að búa til skemmtun úr efninu sem gaman verður að lesa.

[Oddur Ingi (IP-tala skráð) 12.8.2008 kl. 10:21]

Einfaldlega besti penninn í bloggheiminum í dag

[Oddur Ingi (IP-tala skráð) 12.8.2008 kl. 10:36]

Einfaldlega besti penninn í bloggheiminum í dag

[Anna Þóra Jónsdóttir, 12.8.2008 kl. 10:42]

Takk fyrir skemmtunina í sumarfríinu  

Hlakka til að lesa meira eftir þig í framtíðinni. Gangi þér frábærlega í öllum þínum skrifum.

[Gulli litli, 12.8.2008 kl. 10:59]

Mjög góður bloggari..

[Brattur, 12.8.2008 kl. 11:12]

já, það verður gaman að sjá og lesa söguna þína.. hlakka til... þú setur hlutina skýrt fram á blogginu...

[Kristbjörn (IP-tala skráð) 12.8.2008 kl. 12:05]

Leitt að heyra að þú ætlir að blogga minna þar sem bloggið þitt er vægt til orða tekið hreinlega frábært. Þyrftir að vera oftar í sumarfríi hehe Mun halda áfram að fylgjast með blogginu þínu og hlakka til að lesa skáldsöguna þína

[Ásdís Sigurðardóttir, 12.8.2008 kl. 13:19]

Frábært að þú skulir hafa fengið verðskuldaða athygli.  Þú ert fanta góður penni og alltaf bæði gaman og fróðlegt að lesa greinarnar þínar. Hlakka til að fylgjst með þér í framtíðinni og ekki verra að vita að það er saga á leiðinni. Kær kveðja

[Hrannar Baldursson, 12.8.2008 kl. 16:38]

Takk fyrir ofhólið Oddur Ingi. Maður hefur gott af því líka.

Takk sömuleiðis Anna Þóra, Gulli og Brattur. 

Kristbjörn: Þegar ég hafði heilu dagan fría gat ég bloggað eins og mig langaði til. En maður þarf líka að gera annað sem er ekkert síður skemmtilegt: að vinna.

Ásdís: Takk fyrir það. Maður er með svo mörg járn í eldinum að það er ekki fyndið. En bloggið er mitt áhugamál á meðan ég hugsa um allt hitt sem vinnu. Bara verst hvað þetta er allt gaman: bæði vinnan og áhugamálin.