Ef þér væri boðinn einn milljarður með aðeins einu skilyrði, myndirðu þiggja peninginn?

Skilyrðið: þú verður að flytja úr landi og mátt aldrei stíga aftur fæti á ættjörð þína.

 

Mynd: Newsday

Athugasemdir

[Hólmdís Hjartardóttir, 17.7.2008 kl. 00:31]

hiklaust....því ég gæti boðið vinum og vandamönnum reglulega í heimsókn.

[Anna, 17.7.2008 kl. 00:40]

Frelsið er meira virði en milljarður.

[Sindri Guðjónsson, 17.7.2008 kl. 00:54]

Hiklaust. Ég myndi að vísu sakna Íslands sárt, en milljaður gæfi manni ýmis tækifæri til að sinna hugðarefnum sínum án þess að pæla í brauðstriti. Það er frelsi. (En hvað ef peningarnir yrðu verðlausir í verðbólgu eða einhverju álíka?)

[Eva Hauksdóttir (IP-tala skráð) 17.7.2008 kl. 01:08]

Skemmtileg pæling.

Ef frelsi manns er á annað borð til sölu, þá er næsta skref að verðleggja það. Er maður nokkuð verr settur með hálfan milljarð en heilan? Væru hundrað milljónir nóg? 50 milljónir?

[Árni Gunnarsson, 17.7.2008 kl. 06:58]

Góð spurning Eva!

[Róbert Björnsson, 17.7.2008 kl. 09:26]

Svo sannarlega... svo lengi sem milljarðurinn væri ekki í íslenskum krónum sem maður sæti svo upp með í útlandinu...verðlaus pappír.  Dollarar kæmu sér best takk.

[Anna Þóra Jónsdóttir, 17.7.2008 kl. 09:43]

Mjög áhugaverðar pælingar.

Segjum svo að maður hefði það gott í sínu föður/móðurlandi  og ætti vel í sig og á, væri hvatinn til að taka svona tilboði jafn mikill og ef aðstæður viðkomandi væru slæmar?

Og eins og Eva bendi á hér að ofan, myndi þá verðmiðinn ekki geta verið mun lægri.

[Ómar Ingi, 17.7.2008 kl. 10:04]

Nobb , Ekki séns , of þrjóskur til að láta einhvern segja mér hvar ég má ekki vera

Peningar eru jú góðir en , erum við ekki búnir að sjá hversu góðir þeir eru ?

Hvar er Hannes ??

[Oddur Ingi (IP-tala skráð) 17.7.2008 kl. 10:35]

Góð pæling, en nei aldrei er mitt svar.

[Steinn Hafliðason, 17.7.2008 kl. 10:42]

Hverjar verða afleiðingarnar ef maður svíkur loforðið?

[Gunnar Freyr Rúnarsson, 17.7.2008 kl. 10:44]

Já, ég myndi taka þessu tilboði.  Myndi fyrst ganga í skugga um (lögfræðilega) að ég mætti dóla úti fyrir strönd landsins á lúxussnekkju mynni (sem ég myndi kaupa) til að taka á móti ættingjum mínum.  Eða næði bannið út fyrir landhelgina?  Eða bara ættjörðina?  Eða hvernig skilgreinum við ættjörðina?  Landið og miðin? 

[DoctorE (IP-tala skráð) 17.7.2008 kl. 11:31]

Pottþétt taka peninginn

[Elías Halldór Ágústsson, 17.7.2008 kl. 13:38]

Í gulli, takk.

[. (IP-tala skráð) 17.7.2008 kl. 15:54]

Gæti ekki svarað þessari spurningu nema ég raunverulega stæði frammi fyrir henni. Líklega ekki samt.

[Ingólfur, 17.7.2008 kl. 16:18]

Fyrsta svar: Ekki séns!

En þegar ég hugsa það betur að þá hugsa ég að maður mundi taka því.

Þyrfti samt fyrst að reikna út hvað maður getur gert með þannig höfuðstól og vera búinn að finna flottan stað til að búa á.

Hins vegar veit ég um nokkra sem ættu að fá svona tilboð, þar á meðal valda ráðherra.

[Hrannar Baldursson, 17.7.2008 kl. 16:42]

Mjög áhugaverð svör.

Gunnar Freyr: þú gætir líklega ekki gert svona samning, þar sem að ættjörðin nær út að landhelgismörkum.

Steinn: afleiðingar ef þú kemur aftur: þú dettur strax dauður niður og það sama kemur fyrir alla þá sem nálgast þig næstu 24 stundir.

Reyndar er spurning hvort að allir hafi sitt verð. Sumir gætu kannski hugsað sér að fórna slíku frelsi fyrir minni pening eða eitthvað annað. Þar sem að ég hef sjálfur búið erlendis og veit að Ísland er ekkert betra en önnur lönd, þó að sú trú sé sterk á meðal okkar og sumir móðgist þegar öðru er haldið fram, þá myndi ég sjálfsagt ekki hugsa mig tvisvar um - og halda út í heim.

[Ingólfur, 17.7.2008 kl. 17:39]

Það er nú reyndar betra að búa á Íslandi en í stórum hluta heimsins en samt sem áður eru margir aðrir staðir þar sem er jafngott eða betra að búa á.

En þó maður finni sér góðan stað til þess að búa á að þá vakir löngunun eftir föðurlandinu alltaf hjá flestum, ekki af því það er betra heldur vegna þess að það er hluti af manni sjálfum.

Þess vegna finnst mér orðatiltækið svo flott: "að vera af íslensku bergi brotinn".

Ég býst við að þessu sé eins háttað hjá flestum öðrum þjóðum.

[ha ha (IP-tala skráð) 17.7.2008 kl. 19:36]

Í hvaða gjaldmiðli? Ekkert gagn í að fá Íslenskar krónur ef maður fær þær eftir að maður er kominn út. En ef þetta erur dollarar eða evrur ætla ég að hugsa málið í nótt.

[Margrét (IP-tala skráð) 17.7.2008 kl. 20:14]

Nei, ekki með þessu skilyrði.  Söknuðurinn yrði ennþá sárari þegar manni yrði gert það ókleift að snúa við. 

[Steinn Hafliðason, 17.7.2008 kl. 20:47]

Þetta er góð spurning Hrannar. Það sem felst í þessu er fyrst og fremst sambandsslit við ættingja og vini. Með því að flytja af landi brott og geta aldrei komið aftur geturðu hvorki tekið þátt í sorgum þeirra eða gleði. Hvers virði væri t.d. að geta ekki nálgast nána ættingja ef alvarleg veikindi myndu hrjá þau eða að geta ekki samgleðst ef náinn ættingi eða vinur giftir sig.

Að búa á Íslandi sem slíku er ekkert í samlíkingu við þennan missi og ég myndi hugsa mig vel um hvers virði það væri í peningum áður en ég gerði slíkan samning.

[Gunnar Jóhannsson (IP-tala skráð) 17.7.2008 kl. 21:44]

Indesent proposal !!!

[Björn Heiðdal, 17.7.2008 kl. 21:53]

Er þetta einhver Palenstínuspurning?  Gyðingar borga aröbum peninga til að flytja burt.  Kannski er þetta ESB spurning í dulargerfi.  Nema engin peningur og þú færð að búa áfram á fróni en ræður engu.

[Gunnar Freyr Rúnarsson, 17.7.2008 kl. 22:43]

Ég veit það ekki, en ég er ennþá fastur í þessu "landhelgismáli".  En spurningin og skilyrðið minnir mig samt á spurninguna úr myndinni Indecent Proposal með Robert Redford og Demi Moore um milljónamæring sem borgar giftri konu milljón dollara fyrir að fá að sofa hjá henni.  Ungt ástfangið par stendur fram í fyrir erfiðri siðferðilegri spurningu um að fá mikla peninga fyrir kynlíf.  Ógeðfelt ekki satt.

En aftur að landhelginni.   Landhelgin umhverfis Ísland nær 12 sjómílur, en íslenska veiðilögsagan nær 200 mílur.  Er nokkuð sem bannar mér að vera utan við lögsögu ættlandsins.  Tökum raunverulegt dæmi.  Mig minnir að hvalavinurinn Paul Watson hafi mátt þvælast við strendur landsins, þótt hann hafi ekki koma hingað til lands, vegna þess að félagar hans sökktu hvalveiðibátunum forðum. Er ennþá að velta fyrir mér spurninguna um ættjörðina.  Brottrækur 12. sjómílur eða til Vestmannaeyja, sem að margra áliti er ekki Ísland. 

Ef ættjörðin væri td smáríkið Lúxemborg, þá væri dæmið mun einfaldara.  Lúxemborg á m.a landamæri að mörgum ríkjum og auðvelt væri fyrir ættingja og vini að koma í heimsókn til manns, ef maður væri gerður brottrækur (eða borgaður burt) frá ættjörðinni.

Eða er þetta kannski einhver ESB spurning?  Eða erum við kannski sammála um að heimurinn allur sé ein þjóð.  Er ekki Mexico önnur ættjörð þín?  Ættjörð mín er í raun allur heimurinn, þessi pláneta.  Er það kannski málið?  Það samræmist minni trú. 

Niðurstaða:  Ættjörð mín er í raun allur heimurinn.  Þetta er í raun brelluspurning eða ESB spurning eins og einhver kallaði þetta!

Hasta luego

[Gunnar Freyr Rúnarsson, 17.7.2008 kl. 22:54]

Að lokum.  Einn milljarður er samkvæmt minni málvitund, íslenskar krónur nema annað er tekið fram.  Spurningin var á íslensku.  Einn milljarður og mynd af $ með.  Hvergi er minnst á gjaldmiðil.  Kannski einn milljarður vaðmáls?

[Hrannar Baldursson, 17.7.2008 kl. 23:43]

Frábært að fá svona líflegar og skemmtilegar umræður!

Kærar þakkir!!!

Ingólfur: ef heimilið er Jörðin, skiptir þá máli hvar í heiminum maður býr? Ef maður elst upp í sveit, er maður þá alltaf sveitamaður? Ef maður elst upp í borg, er maður alltaf borgarbúi? Ef maður elst upp á Íslandi, er maður alltaf Íslendingur?

ha ha og Gunnar Freyr: gjaldmiðillinn er bara sá sem hentar ykkur. Þetta gætu verið milljarður í evrum, dollurum eða krónum, eða eitthvað annað.

Margrét: Þýðir þetta að við erum tjóðruð við landið mjúkum böndum af þeim sem við elskum?

Steinn: Þetta finnst mér góð rök; spurning um að geta verið nálægt fólkinu sem þér þykir vænt um þegar það skiptir máli. 

Gunnar og Gunnar Freyr: Indecent Proposal er bærileg kvikmynd, og mætti reyndar spyrja hvort maður væri til í að selja maka sinn í eina nótt fyrir einn milljarð. Hvernig færi slík sala með sambandið?

Björn og Gunnar Freyr: Ég hafði hvorki hugsað þetta sem Palestínuspurningu eða ESB, en þið komið með áhugaverðan vinkil á málið. Ef Ísland gengi í ESB væri það sambærilegt við að leggja Ísland niður sem þjóð? 

Gunnar Freyr: Þetta með gjaldmiðilinn. Ég var að hugsa þetta í krónum og klikkaði bara á að minnast á þetta, þannig að tilfinning þín er rétt.

[H.T. Bjarnason (IP-tala skráð) 18.7.2008 kl. 10:17]

Ekki spurning ... eru hvort eð er ekki ca. 190 ríki eftir til að sækja heim?

[Gunnar Hrafn Jónsson (IP-tala skráð) 18.7.2008 kl. 15:59]

Auðvitað tekur maður milljarðinn. Ef mann fer að langa aftur heim er ekki mikið mál að ráða lítinn skæruliðaher og taka bara skerið :)

[Gulli (IP-tala skráð) 18.7.2008 kl. 17:09]

Já, án þess að blikna! Bý erlendis og er ekkert að flytja til Íslands aftur og ferðunum "heim" fækkar með árunum. Það sem ég myndi sakna frá Íslandi get ég að mestu komist í annars staðar og það sem ég ekki get komist í annars staðar getur auðveldlega komið til mín (vinir og ættingar).

[Jón Ragnarsson, 18.7.2008 kl. 18:10]

Evrur? Hvar skrái ég mig?

Ég myndi líklega flytja eittvert til Evrópu, kannski Noregs, eða á Alpasvæðið. Verð að hafa mín fjöll. :)

Milljarður borgar hús á góðum stað og gæti jafnvel staðið undir drjúgum hluta af tekjum. Það væri kannski verst að geta ekki hitt vini og ættingja, sem ekki ættu heimangengt. 

[Kolbrún Sig (IP-tala skráð) 18.7.2008 kl. 18:31]

Evrur? Milljarður af þeim?  Og svo væri maður auðvitað ÁÐUR búinn að kaupa einkaþotuna, lúxushæðina Í NY, sumarhöllina í Karabíska hafinu, Porchebílinn auk einna eða tveggja smá-nauðsynja sem ekki tekur að nefna?  Og hálf íslenska þjóðin bukkaði sig og beygði og kallaði mig velgjörðamann? 

Ekki spurning

[Hrannar Baldursson, 18.7.2008 kl. 18:33]

Andrés: Eru það svik að flytja úr landi og koma aldrei aftur?

H.T. Bjarnason: Mörg eru þau.

Gunnar Hrafn: Ja, málið er að skæruliðaherinn þinn og þú myndið detta niður dauð af óskiljanlegum ástæðum á því augnabliki sem þig stígið inn í íslenskan fararskjóta eða landssteina.

Gulli: Greinilegt að þú hefur kynnst heiminum aðeins.

Jón: Bara ef skráningarlistinn væri hérna einhvers staðar... 

[Hrannar Baldursson, 18.7.2008 kl. 18:35]

Kolbrún: Er það málið, berum við sjálfkrafa meiri virðingu fyrir þeim sem hafa meiri pening milli handanna en öðrum sem hafa minna? Ef svo er, þá er það hugsanlega merki um að við búum ekki í lýðræðisríki.

[Kolbrún Sig (IP-tala skráð) 18.7.2008 kl. 18:47]

Hrannar, stórar spurningar eiga skildar stór svör.

Sú fyrri: nei, ég ber afar litla virðingu fyrir peningapúkunum sem nú flýja land sem aldrei fyrr með "afraksturinn" - hafi það ekki verið augljóst af mínum "sarkastíska" svari þá þykir mér það leitt.

Sú seinni: Mér er líka spurn; búum við raunverulega  í lýðræðisríki?

Mín eigin spurning í framhaldi af þeim fyrri:  Hvað getum við gert til þess að endurbyggja lýðræðið, traustið, samvinnuviljann og gagnkvæmu virðinguna í þessu fámenna landi okkar???

[Hrannar Baldursson, 18.7.2008 kl. 19:04]

Kolbrún: Sarkasminn skein í gegn, en ég tek merkinguna á bakvið hann alvarlega, því að þetta er alls ekki nýtt fyrirbæri í mannkynssögunni. Það er bara leitt að sjá söguna endurtaka sig í milljónasta sinn án þess að nokkur virðist hafa lært af fortíðinni annað en hvernig græði 'ég' meira en allir hinir.

Hvað getum við gert til að endurbyggja lýðræðið á meðal okkar? Ætli við þurfum ekki fyrst og fremst að standa saman gegnum þykkt og þunnt, hætta að láta tæknina sundra okkur og nýta hana frekar til að sameina okkur, - bera meiri virðingu fyrir okkur sjálfum. Við erum kannski gífurlega gagnrýnin og skapandi, en síðustu árin finnst mér íslenska þjóðin vera að glata þeim eiginleika sem ég elskaði mest í fari hennar: umhyggju og kærleik fyrir náunganum, á þá bara í kristilegum skilningi, heldur í raun og veru. 

Mér finnst hrykalegt að sjá hvað við eigum erfitt með að sýna hverju öðru ekki bara virðingu, heldur líka umhyggju. 

Takk fyrir góð svör og góðar spurningar.

[Fýlupúki (IP-tala skráð) 18.7.2008 kl. 19:29]

Yfirgefa ættjörðina og sjálfstæðisflokkinn fyrir svona klink??nei held ekki.

Ég mundi sakna Geir og B.B svo óstjórnanlega mikið að ég mundi laumast til baka á næsta landsfund ....og deyja samkvæmt reglunum þínum?

[Magnús Unnar, 18.7.2008 kl. 22:17]

Þetta er sennilega ein besta bloggfærsla sem birst hefur hér á mogganum. En mitt svar er: Ekki séns í helvíti.

(og þeir sem myndu taka féð ættu umsvifalaust að vera gerðir útlægir )

[Hrannar Baldursson, 19.7.2008 kl. 01:18]

Magnús Unnar: Kærar þakkir. Ég hef líka haft mjög gaman af athugasemdunum sem fylgt hafa færslunni. Ég er ekki viss um að ég sé sammála þér með útlagana samt.

[Einar Jón, 19.7.2008 kl. 11:27]

Ég ætla að vera erlendis næstu 3 árin, fyrir mun minni pening en milljarð. Skilyrðið segir ekkert um að mega ekki fá senda til sín vini og ættingja reglulega - svo að óathuguðu máli væri ég sennilega til í þetta.

[Hrannar Baldursson, 19.7.2008 kl. 11:39]

Þú ert nú ekki alveg útlægur Einar, en það er spennandi að fylgjast með Indlandsbloggi þínu.

[Hrannar Baldursson, 19.7.2008 kl. 21:55]

Tómas Örn: Snildarkomment!