Hvernig getur aprílgabb verið sorglegt, djúpt eða fyndið?

SORGLEGT GABB

Ég er hrifnari af góðlátlegu gríni heldur en gríni með grimmd. Til dæmis fór ég í hálfgerða fýlu út af aprílgabbi mbl.is um niðurhal á kvikmyndum, því að niðurhal á glænýjum kvikmyndum er mögulegt víðs vegar um heiminn, bara ekki á Íslandi.

Það er til dæmis hægt að kaupa kvikmyndir á iTunes.com hafirðu bandarískt kreditkort, og sömuleiðis er hægt að kaupa kvikmyndir frá amazon.com og hala þeim niður sértu staðsettur í Bandaríkjunum eða í þeim löndum sem hafa gert samning um að gera þetta mögulegt.

 

DJÚPT GABB

Mér fannst Google grín mbl.is hins vegar nokkuð gott. Ég held að það gæti nefnilega komið sér ansi vel að geta sent tölvupóst til fortíðarinnar. Þá hefði ég til dæmis getað sent mér tölvupóst og sagt mér að skipta peningum mínum í Evrur rétt fyrir gengisfellinguna um daginn, og þá væri ég bara í fínum málum í dag.

Svo hefur maður líka gert ýmis mistök um ævina, og þá væri gott að geta sent sjálfum sér verkefni til að koma í veg fyrir hin og þessi mistökin þar sem að maður var því miður ekki vitur fyrr en eftirá. Hugsið ykkur bara möguleikana. 

 

FYNDIÐ GABB

 

En besta aprílgabb dagsins fannst mér þessi auglýsing frá ELKO. Útskýringar óþarfar.

Varstu gabbaður í dag?

Athugasemdir

[Ómar Ingi, 1.4.2008 kl. 22:03]

ELKO langbest

[Matthías Ásgeirsson, 1.4.2008 kl. 22:18]

google/gmail gabbið var frá google - ekki mbl.  Enda vísun neðst í fréttinni.  En það var nokkuð gott.

[Nanna Katrín Kristjánsdóttir, 2.4.2008 kl. 14:12]

Mér fannst mblbíó snilld.