Hvað ætlar ríkisstjórnin að gera fyrir fólkið í landinu?

Egill Helgason spurði þessarar spurningar nokkrum sinnum í Silfri Egils í dag og einu svörin sem hann fékk frá viðskiptaráðherra og fjármálaráðherra voru:

• Við erum með nefndir í gangi sem eru við það að skila svörum.
• Við ætlum að gera fræðilega rannsókn á þessum málum.
• Við þurfum að sjá hvernig málin þróast og skoða þau vandlega.

Vandinn er sá að í dag er einn af þessum sjaldgæfu dögum þegar fólkið í landinu þarf á aðgerðum frá ríkisstjórninni að halda.  

Spurningar sem ég vildi óska að teknar væru alvarlega: 

1. Af hverju er verið að tala um að ríkið þurfa að standa betur við bankana þegar rökstuddur grunur er  um að bankarnir stóðu fyrir gengisfellingunni, sem fólkið í landinu þarf að borga?

2. Bankarnir liggja nú á þúsundum milljörðum króna eins og drekar á gulli. Af hverju gefa þeir fólki ekki tækifæri til að lækka höfuðstóla á lánum þeirra fyrst þeim gengur svona vel og eru svona vellauðugir?

3. Af hverju gerir ríkisstjórnin ekki neitt í þessum málum? 

4. Af hverju er ekki aðgerðum til að skattalækkana launa flýtt?

5. Af hverju er ekki enn búið að afmá stimpilgjöld, mál sem Björgvin G. Sigurðsson barðist mikið fyrir í stjórnaraðstöðu? 

Athugasemdir

[Ómar Ingi, 30.3.2008 kl. 22:50]

Stjórnin mun gera eins og Solla Samfylkingarkona sagði í kvöld EKKERT.

Bara með öðrum áherslum og orðum.

[Viðar Freyr Guðmundsson, 31.3.2008 kl. 01:20]

"Sumir einstaklingar virðast ekki átta sig á að slíkur fordómafullur áróður er hættulegur, og sumir átta sig ekki á að þetta er áróður sem fer með rangt mál, sem er nokkuð alvarlegt mál í mínum huga. Svona fordómafullur áróður væri ekki hættulegur ef allt fólk áttaði sig á að þetta er fordómafullur áróður."

 

'Bara ef að ríkistjórnin myndi hafa vit fyrir almúganum, sem er bara svo vitlaus að hann fattar þetta ekki sjálfur, eins og við gáfumennin. '

..hljómar eins og þú sért að óska eftir kommúnisma. 

[Viðar Freyr Guðmundsson, 31.3.2008 kl. 01:24]

svaraði vitlausri grein þarna

[Berglind Steinsdóttir, 31.3.2008 kl. 18:38]

Og hvers vegna spyrja fréttamenn ekki þessara spurninga?