Er Hillary Clinton sætasta stelpan á ballinu?

Eftir að hafa tekið skoðanakönnunina Select a Candidate 2008 kemur í ljós að í skoðunum á ég mesta samleið með Hillary Clinton, en þeir Barack Obama og Mike Gravel fylgja fast á eftir. En hver er eiginlega þessi Mike Gravel, sem virðist eiga fullt tilkall til forsetaefnisins, en hefur kannski ekki nógu mikla fjármuni á bakvið sig til að keppa við Hollywoodmyndir eins og Clinton og Obama. (Reyndar finnst mér áhugavert að Huckabee og McCain eru mér algjörlega ósammála um öll málefnin nema eitt).

Það er búið að fjalla heilmikið um þau Clinton og Obama, en hér eru upplýsingar um Gravel sem ég þýddi úr Wikipedia:

Maurice Robert Gravel, fæddur 13. maí 1930, fyrrverandi öldungadeildarþingmaður frá Alaska frá 1969-1981. Hann tók skýra afstöðu gegn herskyldu í Víetnamstríðinu og lagði sjálfan sig í mikla hættu við að koma Pentagonskjölunum á framfæri árið 1971, en þau fjölluðu um innra skipulag og spillingu í tengslum við skipulagningu á Víetnamstríðinu. Eftir að Gravel hætti í pólitík 1980, fór hann í viðskipti en bæði fyrirtæki hans og hann sjálfur fóru á hausinn, auk þess að hann bjó við heilsubrest.

Hann hefur verið þekktastur fyrir hugmyndir sínar um beint lýðræði og þjóðarfrumkvæði, en þar gefst lýðræðisþegnum mögulegt að taka virkan þátt í lagasetningum, endurskoðunum, tillögum og kosningu um einstök mál. Hann hefur hvorki náð miklu fylgi í skoðanakönnunum né forkosningum, og því afar ólíklegt að hann verði forseti Bandaríkjanna. Hann kveðst hafa verið lesblindur sem barn, og er af fátæku fólki kominn. Hann ólst upp kaþólskur en hafnaði síðar meir hinni kaþólsku trú.

Hann var njósnari í kalda stríðinu, staðsettur í  Vestur Þýskalandi til frá 1951-1954. Hann er með háskólapróf í hagfræði, en borgaði námið með því að starfa sem barþjónn á hóteli og keyra leigubíl í New York.

 

Annars eru þetta stigin sem ég fékk í þessari könnun: 

Hillary Clinton
Score: 67

Barack Obama
Score: 60

Mike Gravel
Score: 60

 

Ron Paul
Score: 28

 

Mitt Romney
Score: 19

 

Mike Huckabee
Score: 7

 

John McCain
Score: 7

Athugasemdir

[Ómar Ingi, 7.2.2008 kl. 20:28]

Blámann eða Hilla vindill  hummm

Pass

[Ásdís Sigurðardóttir, 7.2.2008 kl. 23:26]

Hillary er kannski ekki sú sætasta, en gáfaðasta held ég af frambjóðendum.

[Jóhanna Magnúsar- og Völudóttir , 8.2.2008 kl. 11:35]

Obama er sætastur en Hillary vænsti kosturinn held ég ...

[Atli Þór (IP-tala skráð) 9.2.2008 kl. 19:05]

Ég renndi í gegnum þessa könnun, Clinton og Obama fengu bæði 60 stig miðað við mín svör, Gravel 50 stig, en fæst stig fékk John McCain eða 5 stig.

 Myndi vilja sjá Hillary Clinton sem næsta forseta Bandaríkjanna með Obama sem varaforseta.  Obama sem er 14 árum yngri en Hillary mætti síðan verða forseti þegar 8 ára forsetatíð Hillary Clinton lyki.

[Sindri Guðjónsson, 21.2.2008 kl. 14:48]

Ég virðist ekki vera mjög sammála neinum af þessum frambjóðendum. Niðurstöðurnar voru eftirfarandi:

1. -2. Ron Paul og Mc Cain 32

3. Mike Gravel 29

4. - 5. Clinton og Obama 23

6. Romney 19

7. Huckabee 9

Með skák kveðjum

Sindri