Atlaga að tjáningarfrelsinu!

 

Á Íslandi erum við ekki lengur frjáls til að segja skoðanir okkar. Séu skrif okkar birt í fjölmiðlum eða bloggsíðum, getur þeim verið breytt í pólitískum tilgangi, þannig að meining þín verður öndverð því sem að stendur skrifað. Þetta hef ég upplifað á eigin skinni.

 

Smelltu hérna til að sjá grein sem ég skrifaði á Skákhornið í morgun, umræðuvettvang íslenskra skákmanna i meira en áratug, og reyndi að ræða málin, en umsjónarmaður fjarlægði nánast samstundis öll ummæli sem gátu virst gagnrýnin á störf íslenska skáksambandsins, enda skilst mér að mafía útrásarvíkinga hafi safnast þar saman í stjórn. Samt reyndi ég að gæta orða minna!

 

Tilefnið er að fjölda ummæla hefur verið breytt af umsjónarmanni. Fyrst hélt ég að þetta væri eitthvað grín, en svo þegar hann byrjaði að breyta mínum skrifum til að hljóma pólitískt rétt, og síðan með því að loka aðgangi mínum, var mér ofboðið.

 

Það væri óskandi að menn tækju upp kyndilinn og skráðu sig inn á þetta Skákhorn, sem áður var líflegt og skemmtilegt, fullt af áhugasömum ritsnillingum, og mótmæltu svona kommúniskum aðferðum.

 

Skráning á skákhornið er hér.

 

Vil benda þeim sem hafa áhuga á sjálfa stjórnarskrána, en þar segir:

 

     73. gr. verður svohljóðandi:

 

     Allir eru frjálsir skoðana sinna og sannfæringar.

 

     Hver maður á rétt á að láta í ljós hugsanir sínar, en ábyrgjast verður hann þær fyrir dómi. Ritskoðun og aðrar sambærilegar tálmanir á tjáningarfrelsi má aldrei í lög leiða.

 

     Tjáningarfrelsi má aðeins setja skorður með lögum í þágu allsherjarreglu eða öryggis ríkisins, til verndar heilsu eða siðgæði manna eða vegna réttinda eða mannorðs annarra, enda teljist þær nauðsynlegar og samrýmist lýðræðishefðum.

Athugasemdir

[Ásthildur Cesil Þórðardóttir, 1.4.2012 kl. 10:49]

[Hrannar Baldursson, 1.4.2012 kl. 13:48]

Alltaf gaman að gabba einu sinni 1. apríl :)

[Anna Benkovic Mikaelsdóttir, 1.4.2012 kl. 14:09]

hihihii góður!

[Sigurður Alfreð Herlufsen, 1.4.2012 kl. 16:45]

Ég hef reyndar orðið fyrir líku fyrirbæri.

Sett inn athugasemd sem ég vissi að var á skjön við álit blogghafa og hún fór aldrei í loftið.

Hefur verið fjarlægð og ekki komist í gegnum nálaraugað.

Sumir taka aðeins við já-mönnum.

Er það einhver umræða ef allir tala nákvæmlega sama máli.

Hvað þá með hinar hliðarnar. Eiga þær enga málsvara.

[Ásthildur Cesil Þórðardóttir, 1.4.2012 kl. 17:07]

Ég tel það merki um smámennsku að geta ekki þolað gagnrýnisraddir og útiloka slíkar.  Þannig kemurðu þér upp einhæfri afstöðu til mála og verður óþolandi í málflutningi.  Þó stundum sé hundleiðinlegt að vera skotin í kaf út af einhverju, þá er bara að svara fyrir sig.