Hefur nýkommúnismi tekið völdin á Íslandi?

 

 

Þegar nýfrjálshyggjan féll, kom tími nýrrar pólitískrar stefnu á Íslandi. Þessa stefnu má kalla nýkommúnisma, því rétt eins og hefðbundinn kommúnismi snýst hún hvað harðast gegn sínum eigin hugsjónum, gildum og baráttuslögurum og verður að einhvers konar andvana örverpi sem engum gerir gagn, en kvakar samt endalaust út í eitt.

Það má hugsa um þetta út frá díalektísku kenningum Hegels, þar sem hann talar um "kenningu", "gagn-kenningu" og síðan "niðurstöðu".

Mig grunar að frjálshyggjan, sem mótmælt var með kommúnisma á sínum tíma hafi leitt til hófsamari lýðveldissósíalisma. Frjálshyggjan féll aldrei á Íslandi. Það kom aldrei til kommúnisma. Hins vegar var frjálshyggjan uppfærð í frjálshyggju 2.0 og fékk uppnefnið "nýfrjálshyggja". Henni hefur verið mótmælt með nýkommúnisma undir forystu Jóhönnu Sigurðardóttur og Steingríms J. Sigfússonar, en verið kölluð ýmist "vinstristjórn" eða "jafnaðarstefna", hvort tveggja rangnefni miðað við aðstæður á Íslandi í dag. 

Nú bíð ég spenntur eftir því hvort að nýkommúnisminn muni vara lengi á Íslandi, eða hvort að þjóðinni takist að brjótast út úr höftum hans og skapa nýlýðveldissósíalisma, fyrst allra þjóða. 

 

Mynd: Real Clear Religion

Athugasemdir

[Ásthildur Cesil Þórðardóttir, 24.2.2010 kl. 14:32]

Vonandi verður svo.  Vonandi fáum við að halda þjóðaratkvæðagreiðslu um Icesave, það er lykilatriðið að nýjum tímum.  Við verðum að vera á varðbergi o gláta ekki það tækifæri okkur úr höndum renna.

[Rafn Haraldur Sigurðsson (IP-tala skráð) 24.2.2010 kl. 16:26]

Það er nú þegar hægt að kjósa og segja Nei. Allavega er ég búinn að því.

[Rakel Sigurgeirsdóttir, 24.2.2010 kl. 16:31]

Einhver kallaði hana vinstri light. Skemmtileg tvíræðni í þeirri nafngift

[R (IP-tala skráð) 24.2.2010 kl. 17:38]

Greinagóð lýsing, þakka þér.

[Sigurður Þorsteinsson, 24.2.2010 kl. 17:40]

Hrannar nýlýðveldissósíalismi hljómar nú ekkert sérstaklega spennandi, það mun ekki líða langur tími þar til sumir verði orðnir jafnari en aðrir. Má ég frekar biðja um virkt blandað hagkerfi með lýðræðisvakningu.

[Ómar Ingi, 24.2.2010 kl. 18:25]

Annað nafn sami skítur.