Samsæri gegn Samfylkingu?

Í raunveruleikaþáttum sjónvarpsins um íslensk stjórnmál hef ég tekið eftir svolítið merkilegum tjáskiptum milli VG og Sjálfstæðisflokks, og fannst Steingrímur gefa Sjálfstæðisflokknum undir fótinn á föstudagskvöld, og Þorgerður Katrín svo gefa VG undir fótinn í gær.

Mig grunar að VG og Sjálfstæðisflokkurinn séu eitthvað að brugga saman og ætli að taka Framsókn með sér. 

Málið er að ef Samfylkingin og VG ná ekki saman, þá mun Framsóknarflokkurinn hafa úrslitaákvæði, þar sem hann er lykilflokkur eftir kosningarnar - getur smeygt sér inn hvar sem er. Framsókn er alls ekki á því að fara í aðildarviðræður, það er ég viss um. Til þess eru skilyrðin sem þeir gáfu of mörg og flókin, og fyrst og fremst ætluð til að tæla til sín kjósendur beggja megin frá - þeirra sem vildu og vildu ekki ganga í Evrópusambandið.

Þannig að það er rangt mat hjá Samfylkingunni að meirihluti Alþingis muni styðja Evrópumálin. Það þyrfti hins vegar að spyrja persónulega hvern og einn fulltrúa Borgarahreyfingarinnar hvert viðhorf þeirra er, enda hafa þeir gefið út að þeir muni ekki standa í hjarðmennsku, heldur hvert og eitt taka þá ákvörðun sem þau meta skynsamlega út frá gefnum forsendum. Það getur verið erfitt að vinna með fólki sem hugsar sjálfstætt, en er það ekki betra en að vinna með hópi sem hagar sér eins og blind hjörð bundin í leiðtoga? Hvar er sjálfstæð hugsun ef það þarf alltaf að fylgja flokkslínunni?

Vinstri grænir eru í mjög góðri stöðu við samningaborðið, enda klókt ef satt reynist, að þeir hafi verið að dúlla sér baktjaldamegin með Sjöllum og Frömmurum, og ákveðið að standa saman gegn Samfylkingunni.

Málið er að íslensk pólitísk snýst engan veginn um það sem kemur þjóðinni best, heldur snýst hún enn og aftur um hagsmuni einstaklinga innan flokka, sem og hagsmuni flokksins.

Það er ekki enn búið að mynda ríkisstjórn, en samt er hún komin að falli á fyrsta degi!

 

 

Óbrúuð gjá í ESB-máli

Athugasemdir

[Marinó G. Njálsson, 27.4.2009 kl. 09:53]

Æi, ég vona að þetta gangi bara yfir sem fyrst svo við getum kosið aftur í haust

Annars er lausnin sú sem ég hef haldið fram frá því í haust: utanþingsstjórn sem starfar fram yfir næstu kosningar.  Þingheimur einbeitir sér að því að yfirfara lagasöfn og breyta þeim þannig að svona fjármálaglæpir geti aldrei framar átt sér stað.

Menn geta þá haldið áfram tilgangslausu rifrildi og orðaskaki inni á þingi meðan óháð ríkisstjórn vinnur að þeim málum sem eru nauðsynlegt þjóðarhag.  Mér hefur sýnst sem Sjálfstæðismenn hafi bara ekki mátt tala neitt í þessi 17 ár sem þeir voru í ríkisstjórn, þannig að nú verði þeir að fá að tappa af.

[Jóna Kolbrún Garðarsdóttir, 27.4.2009 kl. 10:45]

Ég er algjörlega sammála Marinó.  Aðalmarkmiði nýrrar stjórnar verða að vera breytingar á lögum svo við lendum ekki aftur í sömu vandræðunum aftur.

[Hrannar Baldursson, 27.4.2009 kl. 10:53]

Málið er að fyrst þarf ný ríkisstjórn að verða til.

Samþykki Samfylkingin kröfur VG fær VG pólitísk undirtök, og öfugt. Þetta er spurningin um hvor ræður í komandi stjórn: VG eða Samfylkingin. Það er verið að leika sér í pólitískum sandkassaleik.

Ég er feginn að fljúga út á morgun. Þó að óvissan sé ekkert síðri einhvers staðar úti í hinum stóra heimi - þá er ég sannfærður um að börn mín eigi meiri möguleika annars staðar en á Íslandi. Þó að þessi niðurstaða eigi við um mig, þýðir það ekki að hún eigi við um alla.

Ég held að Samfylkingin hafi rétt fyrir sér með aðild að ESB, og er það ekki vegna þess sem Evrópa getur gefið okkur, heldur vegna þess sem við getum gefið Evrópu.

"Don't think what your country can do for you, but what you can do for your country," á ágætlega við hérna, þ.e.a.s. ef við álítum okkur Evrópubúa. 

[Marinó G. Njálsson, 27.4.2009 kl. 11:15]

Hrannar, góða ferð og gangi þér vel.  Hvernig gengur atvinnuleiti?  Ætli maður fylgi ekki bara á eftir á næstu vikum eða mánuðum, ef ástandið heldur áfram að þróast eins og gert hefur.  Ef þú færð starf á okkar sviði, þá lætur þú mig vita.

[Hrannar Baldursson, 27.4.2009 kl. 11:17]

Ég fer í einhver viðtöl í vikunni, en er líka að velta fyrir mér framhaldsnámi.

[Óskar Þorkelsson, 27.4.2009 kl. 12:04]

búsáhöldin eru í viðbragðstöðu...

[Þórður Helgi Þórðarson, 27.4.2009 kl. 13:18]

Ég er ekki alveg að sjá alla þessa erótík sem þú ert að tala um.

Vissulega ber mikið í milli hjá stjórnarflokkunum en ég tel það um meiri möguleika að Jóhanna gefi Borgittu og Sif undir fótinn enda von að vera með blóð á tönnunum.

[Carl XVI kúkar hratt (IP-tala skráð) 27.4.2009 kl. 14:19]

Jaeja félagar.  Thad er nú svo.

Sko...thad sem ég aetla segja núna er ekki í nokkru samhengi vid thad sem thid hafid verid ad skrifa um.

Ég hef bara STÓRKOSTLEGA THÖRF Á AD BENDA Á SVOLÍTID SEM MÉR FINNST ALVEG ÓTRÚLEGT.

Af hverju eru ekki allir íslendingar görsamlega GÁTTADIR OG ÓENDANLEGA STOLTIR YFIR THEIRRI MESTU HAEFILEIKAKONU SEM ÉG HEF SÉD THEGAR UM ER AD RAEDA SÖNG?????

Ég asnadist til thess ad horfa á kosningavökuna í RÚV á netinu og thar sem sú unga og unadslega fagra kona skyndilega byrtist á skjánum og söng, söng thann sem hún mun syngja í söngvakeppninni hötudu og elskudu.

HVÍLÍK RÖDD!!!!!   HVÍLÍK FULLKOMIN FRAMKVAEMD!!!  VÁ VÁ VÁ VÁ VÁ!!!

Thessi YNDISLEGA MANNESKJA ER Í ALGJÖRUM TOPPKLASSA!!!´

VÁ VÁ VÁ VÁ VÁ VÁ VÁ VÁ VÁ.......AF HVERJU Í $£€@$£ ERU EKKI ALLIR AD TALA UM THETTA STÖDUGT??

Áttar fólk sig ekki á thví hversu mikil GERSEMI thessi unga og stórglaesilega kona er??

Hvad er ad fólkinu í landinu???