Á allt handboltalandsliðið skilið að fá Fálkaorðuna fyrir silfrið í Kína?

 

 

Fyrst þegar ég las þá frétt að forseti íslenska lýðveldisins, herra Ólafur Ragnar Grímsson ætlaði að sæma allt íslenska landsliðinu í handbolta með fálkaorðunni, fór um mig svolítið af þessum hrolli sem kenndur er við kjána.

Ég hef til þessa litið á fálkaorðuna sem viðurkenningu fyrir merkilegan árangur einstaklings, og hef virt það mikils hversu vel rökstutt og vandað valið hefur verið ár hvert. 

 

 

 

 

En nú þegar heill hópur á að fá fálkaorðinu fyrir að ná góðum árangri á Ólympíuleikum, þá finnst mér eins og verið sé að gera lítið úr öllu því vandaða vali sem átt hefur stað áratugum saman, og hef á tilfinningunni að forsetinn sé einfaldlega svo mikill aðdáandi handboltans og geðshræringin svo mikil, að hann vilji gefa þeim orðuna af því að honum finnst þeir eiga skilið að fá hana. Ég trúi að þessi tilfinning sé sönn og heiðarleg, en finnst þó ekki rétt að fara eftir henni.

Sjálfur er ég mjög stoltur af strákunum, en þarna finnst mér farið yfir strikið í fögnuði. Það er verið að víkja frá reglum um veitingu fálkaorðunnar, en reglurnar eru þannig:

 

 

 

Öllum er frjálst að tilnefna einstaklinga sem þeir telja verðuga orðuþega. Sérstök nefnd, orðunefnd, fjallar um tilnefningar til orðunnar og gerir tillögur til forseta um hverja skuli sæma henni. Nánari upplýsingar um starfsemi orðunefndar veitir orðuritari og hann veitir einnig viðtöku tillögum um orðuveitingar. Orðuritari er nú ávallt starfandi forsetaritari. Tillögur með tilnefningum verða að berast með formlegum hætti, skriflegar og undirritaðar. Þar skal rekja æviatriði þess sem tilnefndur er og greina frá því starfi eða framlagi til samfélagsins sem talið er að sé þess eðlis að heiðra beri viðkomandi fyrir það með fálkaorðunni. Fleiri en einn geta undirritað tilnefningarbréf en aðalreglan er að undirskrift eins nægir. Orðunefnd berast á hverju ári um 80-100 tilnefningar. Við andlát þess er fálkaorðuna hefur hlotið ber erfingjum hans að skila orðuritara orðunni aftur.

 

 

 

 

Handboltalandsliðið á mikinn heiður skilið, en að þeir fái allir sem einn fálkaorðuna er algjörlega úr samhengi við allan minn skilning á heiðri og viðurkenningu fyrir ævistörf. 

Ég vil ekki vera leiðinlegur og mótmæla bara til að mótmæla. Þarna  er verið að brjóta mikilvæga leikreglu og ætlast er til að allir kinki kolli til samþykkis, án umhugsunar, og að enginn bifi mótmælum. 

Það vil ég ekki gera.

 

 

 

 

 

Myndir og heimildir af vefsetri Forseta Íslands

Athugasemdir

[Ómar Ingi, 26.8.2008 kl. 21:11]

Don

Skammastu þín

Það er verið að gefa einhverjum sveittum áttræðum kellingum sem hafa nennt að vaska upp og mjólka kýr ef þær eru ekki að fæða börn og henda Þeim útí fjós

Semsagt vakna og nennt að lifa lífinu eins og ég og þú og af því að heil sveit eða pólitíkusar í atkvæðisleit mæla með svoleiðis liði nei takk.

Ef handboltaliðið sem kom okkur ekki bara í úrslit á Ólympíleikunum og koma með silfrið heim heldur komu þeir Íslandi á forsíðu NEW YORK TIMES

Hvað heldur þú að svoleiðis landkynning geri fyrir okkar littla land ?.

Nei annars eru líka gott fólk sem fær fálkaorðuna eins og þyrlusveitin okkar um árið og annað gott fólk

En Hanboltaliðið okkar á þetta skilið miðað við drossíuna af nobody´s sem hana hafa fengið í gegnum árin

frekar mættirðu þá ræða um að leggja forsetaembættið niður eða Fálkaorðuafhendingar með öllu.

En hey bara mitt mat

[H.T. Bjarnason (IP-tala skráð) 26.8.2008 kl. 21:25]

Mikið er alltaf dásamlegt þegar gefst tilefni til að gera lítið úr öðru fólki.  Þetta gæti hæglega verið íslensk íþróttagrein sem keppa mætti í á alþjóðlegum vettvangi.  Hrannar hreyfir við áhugaverðri spurningu.  Vitaskuld má alltaf deila hvort "allir" í einhverju teymi ættu að fá viðkenningu, en það er bara annaðhvort allir eða engir.  Ómar telur að fram að þessu hafi "áttræðar kerlingar" og "drossíur af nobody's" fengið fálkaorðuna.  Hvílík firra.  Hvílík heimska ... en HEY þetta er bara mitt mat.

[Jón Gretar (IP-tala skráð) 26.8.2008 kl. 22:32]

Reyndar verð ég að vera því sammála að hingað til hefur ekki beint verið að spara orðurnar.

Manni finnst eins og þú þurfir bara að vera góður í djobbinu þínu til að fá hana. Riddarakrossinn fá 20-30 manns á ári. Þú færð meira að segja riddarakrossinn fyrir fatahönnun og húsgagnasmíði.

[Elfa (IP-tala skráð) 26.8.2008 kl. 23:44]

Tjah ég veit nú ekki alveg sko.   Get td ekki tekid undir tad ad allar orduveitingar séu gasalega verdskuldadar eda ákvardanir um slíkar veitingar séu teknar af vandlega yfirvegudu rádi ... madur hefur nú lyft brúnum einu sinni eda tvisvar.

Mig langadi sjálfa hreinlega til ad stoppa allt landslidid upp tegar tad var ljóst ad vid myndum vinna tessa medalíu, af einskærum fögnudi, ég skældi af stolti yfir tessum drengjum. ÓRG vill sennilega bara sýna í verki takklæti tjódarinnar og reyna ad tjá tessar yfirdrifnu tilfinningar okkar ... med kannski pínulítid yfirdrifnum vidbrögdum.  En tetta er alveg í takt vid tad hvernig fólki lídur.  Ég held ad fáir sjái á eftir tessum ordum í strákana, ödru nær. 

Ja ... nema teim sem hata ÓRG fyrir, en teir hata hvort ed er allt sem hann gerir ... hann má ekki ganga yfir götu án tess ad tetta fólk taki andköf. Mikid skemmtiefni fyrir okkur hin, tví tessir hatursmenn eiga rosalega erfitt med ad sitja á skodun sinni. Tess vegna hefur hans forsetatíd verid skemmtilegri en fyrirrennara hans.

Aftur á móti er ÓRG ekki tekktastur af tví ad fylgja prótókólum í sinni embættisfærslu.  Hann er duglegur forseti og vinnusamur,  en kannski svolítid of sjálfstædur og afgerandi fyrir embættid.  Einn af teim sem ekki er vanur ad láta ótarfa reglur trufla sig of mikid ... madur lyftir stundum brúnum yfir tví líka :)

[Jóna Kolbrún Garðarsdóttir, 27.8.2008 kl. 02:05]

Mér finnst strákarnir okkar vel að þessari Fálkaorðu komnir, allavega betur en einhver opinber starfsmaður sem hefur ekkert unnið sér til frægðar annað en að mæta í vinnuna sína

[Birna Guðmundsdóttir, 27.8.2008 kl. 07:40]

Enginn er í vafa að strákarnir okkar eiga allt gott skilið.Orður og borða. Finnst samt smá broslegt að snobblausa þjóðin skuli vera svona hrifin af orðuveitingum til vinstri og hægri.  Eiga allir afreksmenn í íþróttum framtíðarinnar von á orðum?  Ekki vill alþýðan gera upp á milli barnanna sinna?  

Svona aðlokum, í mínum huga er ekki til neinn herra/frú Nobody 

[Jón Ingvar Bragason, 27.8.2008 kl. 08:02]

Mikið er ég sammála þér! Það er hægt að heiðra menn með mörgum hætti fyrir góða frammistöðu en það er svolítið mikið að veita heilu landsliði fálkaorðu fyrir að standa sig vel í keppni.

Vandamálið við að setja svona fram er að fólk er það ekki tamt að ræða hlutina með raunsæjum hætti út af einhverri geðshræringu.

[Rannveig H, 27.8.2008 kl. 09:54]

Beið ekki Vilhjálmur silfurhafi á OL í 50 ár eftir sinni orðu, það er mer sagt.

[Haukur Nikulásson, 27.8.2008 kl. 10:12]

Fálkaorðan er bara glingur Hrannar, kostar lítið og hefur bara táknræna merkingu fyrir þá sem veita og þiggja. Þetta þarf ekki kássast upp á neinn sem umber t.d. misgáfuleg trúmál og þess háttar hugðarefni. Leyfum þessu fólki að njóta stundarinnar.

Ég held að margir geti tekið undir að það mættu fleiri vera á undan í röðinni, en forsetinn hefur greinilega hrifist með öðrum og lætur þetta eftir sér.

Ég get hins vegar alveg skilið uppreisnarandann í þér

[Hrannar Baldursson, 27.8.2008 kl. 11:11]

Áhugaverð svör. Bara svo að það sé á hreinu, þá er ég að gagnrýna þessa ákvörðun vegna þess að ég ber mikla virðingu fyrir embætti forsetans og afhendingu fálkaorðunnar og er afar stoltur af árangri íslenska handboltalandsliðsins.

Ef mér væri sama myndi ég þegja.

Aftur á móti er fálkaorðan einfaldlega ekki viðeigandi í þessu tilfelli vegna þeirra ferla og hefða sem verið hafa í gangi um margra áratuga skeið.

Þar að auki snúast skoðanir ekki um það að vera með eða á móti, í stjórn eða stjórnarandstöðu, með völdin eða í uppreisn. Fletir á hverju máli eru yfirleitt fleiri en bara svart og hvítt.

[Atli Már (IP-tala skráð) 27.8.2008 kl. 11:21]

Tek undir það sem þú segir. Mér finnst fólk (lesist forsetinn) hafi gleymt sér fullmikið í fagnaðarlátunum. Það væri nær lagi að heiðra Ólaf með fálkaorðunni um áramótin líkt og annað heiðursfólk. Þykir mér að þessi athöfn muni gildisrýra fálkaorðuna og stórriddarakrossinn. Svona eins og ,,heyrðu Dorrit! Gefum handboltaliðinu fálkaorðuna. Bara gott að við höfum ekki sigursælt ruðningslið.

[Hugrún Sif (IP-tala skráð) 27.8.2008 kl. 13:45]

Alltaf hægt að treysta á þig Hrannar til að koma af stað góðum umræðum!

En jú ef við viljum einblína á reglurnar þá eru þær sjálfsagt brotnar í þessu tilfelli, en eins og þú og ég vitum, þá eru engar reglur fullkomnar, og mætti jafnvel taka þær í endurskoðun og bæta í þær undanþáguklausum fyrir sérstök tilefni.

Tímabært að leggja það fram við orðunefnd?

[Runólfur (IP-tala skráð) 27.8.2008 kl. 13:59]

Mér sýnist rök þín aðallega vera tvenn. Að þetta sé hópur og að hefðin segi að veita eigi þessar orður gömlu fólki fyrir ævistörf.

Hópurinn er skipaður einstaklingum sem hafa án vafa skarað fram úr í því ævistarfi sem þeir hafa tekið sér fyrir hendur. Erum við ekki sammaála um það? Það er einmitt við hæfi að nýta augnablikið og drífa í að afhenda þeim glingrið.

Að sjálfsögðu eiga þeir þetta skilið og ég sé ekkert athugavert við þetta. Þú hefðir orðið góður embættismaður. Smásmugulegur reglugerðarpési.

[Olgeir Marinósson (IP-tala skráð) 27.8.2008 kl. 14:25]

Ekki fékk sveit Salaskóla sem varð heimsmeistari í grunnskólaskák neina Fálkaorðu.

[Mama G, 27.8.2008 kl. 14:36]

að maður tali nú ekki um afreksfólk okkar á Olympíuleikum fatlaðra... eða fengu þau orðu? Er ekki alveg inn í þessu dæmi.

[sigurður sigurðsson (IP-tala skráð) 27.8.2008 kl. 14:42]

Eins og þú setur spurninguna fram " Á allt handboltaliðið skilið að fá Fálkaorðuna" held ég að ég spyrji á mót,,, Á Ólafur Ragnar að velja tvo eða þrjá úr landsliðinu sjálfur og segja jú Óli, Snorri og Alexander fá orðuna mér fannst þeir standa sig vel...?

 Held að þetta sé akkurat rétta tilefnið til að veita þessa blessuðu orðu hún mun vekja athygli barna og unglinga og strákarnir okkar hafa með þessum árangri sínum komið mikilvægum boðskap til skila til þeirra og þó það væri ekki nema bara fyrir það þá eiga þeir þessa orðu skilið.

[Haraldur Haraldsson, 27.8.2008 kl. 14:51]

Algerlega sammála þessu hjá þér Hrannar/þetta orkar tvímælis og vel það!!!!Halli gamli

[Ólöf Ingibjörg Davíðsdóttir, 27.8.2008 kl. 14:57]

Heyrði ávæning af tilstandinu í morgunfréttunum og hélt að einhver hefði fundið upp Lækninguna við krabbameini. Hef ekki alveg fylgst með gangi mála þar sem ég ekki á landinu. Enn hefur enginn hér óskað mér til hamingju með árangurinn þjóðarinnar á ÓL. En kannski það verði hægt að kría út eins og eina fálkaorðu fyrir góða bloggfærslu frá þér, Hrannar.

[Jón Grétar (IP-tala skráð) 27.8.2008 kl. 15:07]

Þið getið séð orðuveitingar hér: http://www.forseti.is/Forsida/Falkaordan/

Þetta er bara gefið í burt og mér finnst ekkert að því að gefa fyrir afrek í íþróttum. Allavega þegar kemur að riddarakrossinum sem er lægsta stigið. Einn dani virðist nú hafa fengið krossin fyrir að skrifa bók um skurð á íslanskum drykkjarhornum.

Þannig að endilega ælið þessu á íþróttamenn. Samkvæmt forsetabréfinu þá hún fyrir:

"innlenda einstaklinga eða erlenda fyrir vel unnin störf í þágu þjóðarinnar, einstakra þjóðfélagshópa eða landshluta, eða í þágu mikilvægra og góðra málefna á Íslandi eða á alþjóðavettvangi."

Ég sé ekkert hvernig það passar illa að smella þessu á íþrótamenn.

[Héðinn Björnsson, 27.8.2008 kl. 15:59]

Aðrir ólympíuhafar haf fengið fálkaorðuna fyrir afrek á sviði íþrótta, það hefði því verið sérstaklega einkennilegt ef handboltastrákarnir hefðu ekki fengið það en það er vert að gera athugasemd við hvenær þeir fá þær. Eðliegra hefði verið að beðið hefði verið með það til 1. desember þegar orðan næst er veitt.

[Ómar Ingi, 27.8.2008 kl. 17:26]

HT Bjarnasson

Lesa commentið mitt

Nei annars eru líka gott fólk sem fær fálkaorðuna eins og þyrlusveitin okkar um árið og annað gott fólk

Hvílík og Hvílík  greyið mitt.

[Viðar Freyr Guðmundsson, 27.8.2008 kl. 17:37]

Er ekki nóg af þessum orðum handa öllum ? Þetta er ekki takmörkuð uppspretta. Ef forsetinn vill dæla þeim á heilt handboltalið, þá er það bara alveg í lagi mín vegna.

Er verið að gengisfella virði orðunar með þessu ? Nei, það finnst mér ekki.

[Hrannar Baldursson, 27.8.2008 kl. 19:06]

Gaman að heyra allar þessar ólíku skoðanir, og áhugavert hversu auðvelt er að fá fólk til að hliðra aðeins gamlar venjur, siði og reglur.

Þetta finnst mér sérstaklega merkilegt í ljósi greinar sem ég skrifaði um daginn: "Er pólitísk spilling búin að skjóta rótum á Íslandi?" 

Áfram Ísland!

[Ásdís Sigurðardóttir, 27.8.2008 kl. 23:23]

Mér persónulega finnst þetta vera besta leiðin sem hægt var að velja til að sýna strákunum hversu mikils framlag þeirra er metið og í leiðinni hvetjum við ungt fólk til að fara sömu leið í sínu lífi. Orðan var handhæg og í raun besta leiðin ef vel er að gáð. Áttum við að finna upp eitthvað annað eða bara nota tækifærið og breyta svolítið þessum hefðum?  Óli var flottur á Bessastöðum í kvöld og strákarnir ennþá flottari, mér fannst vanta Dorrett en hún er örugglega upptekin. ÉG elska þessa stráka og hópinn allan í klessu. Góðna nótt og takk fyrir mig.

[Baldur Gautur Baldursson, 21.10.2008 kl. 13:34]

Sammála þér Hrannar! 

Þetta var fullmikið þótti mér.  Ég hefði mögulega getað fallist á að skenkja "köppunum" riddarakross Fálkaorðunnar, en aðeins að hafi verið áður farið að leikreglum þeim sem orðan hefur.  Hitt get ég alls ekki fallist á, að nokkrum einstaklingum hafi verið veittur stórriddarakrossinn. Gjafmildis- og góðsemismörkin og ýran eftir silfrið eru viss mörk sett og liggja þau við annað stig orðunnar.

Kveðja frá einum sem finnst Fálkaorðan vera mikilvæg, til virðingarauka og krefjast mikils þakklætis.