Af hverju syngur Bubbi ekki sjálfur gegn fátækt?

Af hverju heldur Bubbi ekki sjálfur stórtónleika gegn fátækt og fær einhverja góða tónlistarmenn til liðs við sig, og gefur vinnu sína á tónleikunum og gefur svo út geisladisk í kjölfarið? Í staðinn fengi hann fullt af goodwill, sem má ekki vanmeta. Hagnaðinn væri hægt að nota til að bjóða heimilislausum eða fátækum í mat, eða styrkja sjóði fyrir fátækt fólk. Ég veit ekki betur en að Bubbi sé enn stærra nafn á Íslandi en Björk og Sigurrós, þó að hin síðarnefndu séu kannski þekktari víða um heim.

Reyndar spilaði ég nokkur lög eftir Íslendinga fyrir unglinga í Bandaríkjunum, til dæmis Bubba, Sigurrós og Björk. Þeim fannst Björk og Sigurrós svona la-la, en dýrkuðu Bubba Morthens. Þau skildu ekki textana, en fannst röddin hans og lögin með þeim flottari.

 

Mynd: Af bloggsíðu Kára Harðarsonar: Kveðið úr Kútnum

Björk ætti frekar að syngja gegn fátækt

Athugasemdir

[Oddur Ingi (IP-tala skráð) 19.7.2008 kl. 10:50]

sammála, þessir Náttúru tónleika voru engu að síður snilld

[Linda (IP-tala skráð) 19.7.2008 kl. 11:20]

Athyglisvert af Bubba að krítisera framlag annara á þennan máta. Þetta er svolítið eins og að krítisera appelsínur fyrir að vera ekki epli

Mér finnst sjálfssagt að fólk noti rödd sína á þá vegu sem það kýs. Ef Börk vill láta heyra í sér vegna iðnvaeðingar, þá er það flott. Ef fátaekt er það sem að Bubba finnst þurfi að vekja athygli á, þá á hann að gera það sjálfur, ekki krítisera aðra fyrir að vekja athygli á öðru en því sem Bubba finnst mikilvaegt.

[Valsól (IP-tala skráð) 19.7.2008 kl. 11:58]

Ég spilaði Bubba fyrir gríska vini mína og þeir gátu bara ekki fengið nóg. Ég varð að þýða fyrir þá textann og segja þeim sögurnar sem Bubbi segir í lögum sínum. Þarna var Rómeó og Júlía í miklu uppáhaldi hjá þeim. En svo aftur á móti þá má Bubbi passa sig á hroka og yfirlæti ef hann vill ekki lenda í ónáði hjá fólki.

[Billy (IP-tala skráð) 19.7.2008 kl. 12:40]

Sama saga hér, þýsk vinkona mín fékk bubba cd frá mér.

Syngur öll lögin í dag á bjagaðri íslensku, mjög sætt. :)

[Hrannar Baldursson, 19.7.2008 kl. 12:57]

Það er rétt að gagnrýni á skoðanir annars fólks sem hefur fullan rétt á eigin skoðunum og gildismati hljómar hálf annkannalega frá manni sem hefur rödd sem heyrist mun oftar og betur á íslenskum ljósvökum.

Annars er gott hjá honum að vekja athygli á fátækt hérna heima, því hún er vissulega til staðar, kannski ekki endilega í efnislegum gæðum, heldur sífellt auknum mæli þegar um andleg og siðferðileg gildi ræðir.

[Jón Garðar Hafsteinsson (IP-tala skráð) 19.7.2008 kl. 13:00]

Skrítið að heyra einhvern tala um hvað Bubbi sé góður en nefna svo sem dæmi lag sem hann samdi fyrir meira en áratug. Staðreyndin er nefnilega sú að Bubbi er fyrir löngu útbrunninn og það sem hann hefur verið að senda frá sér síðustu 10 árin eða svo er einfaldlega RUSL. Hann er orðinn svo útbrunninn að hann er farinn að "stela" heilu laglínunum frá sjálfum sér.

[Elfa (IP-tala skráð) 19.7.2008 kl. 13:29]

Mér finnst tetta reyndar áhugavert komment hjá Bubba. 

Ísland hefur mun stærra hlutfall ósnortinnar náttúru en flest önnur ... adallega sökum strjálbýlis ad sjálfsögdu.  Svo tad er voda erfitt ad koma auga á tessa stórkostlegu hættu sem á ad stada ad íslenskri náttúru.  Sér í lagi ef hún er mæld á skala med ödrum vandamálum í heiminum ... eins og til dæmis fátækt og hungri.  

Ad gæta ad náttúrunni er vissulega sjálfsagt, en ástædulaust ad missa sig í vanhugsadri ættjardarrómantík.  Madur getur elskad landid sitt án tess. 

En Bono og Bob Geldoff eru kannski búnir ad merkja sér fátæktarmálstadinn :)

[Sigurður Þorsteinsson, 19.7.2008 kl. 13:39]

Er sammála þér Hrannar að Bubbi hefur fullan rétt á því að hafa skoðanir. Hins vegar er hann hér að gagnrýna annan listamann fyrir skoðanir sínar og tjá skoðanir sínar að Björk eigi að sinna frekar málefnum fátækra. Lítið hefur farið fyrir þeirri baráttu Bubba Morteins á síðustu árum. Þess vegna virkar þetta hjákátlegt hjá Bubba. Hann setur sig á stall með Árna Johnsen, sem vill ræða siðferði í pólitík, af öllum mönnum. Bubbi Morteins hefur gert lítið úr sjálfum sér að þessu sinni. Virði hann hins vegar sem listamnann.

[Hrannar Baldursson, 19.7.2008 kl. 14:24]

Jón Garðar: Hvað meinarðu með þessu? "Skrítið að heyra einhvern tala um hvað Bubbi sé góður en nefna svo sem dæmi lag sem hann samdi fyrir meira en áratug."

Elfa: Það er þó ljóst að Bubbi þarf ekki að segja mikið til að allir hlusti á kallinn.

Sigurður: Já, þetta hljómar svolítið eins og hræsni, en ég vil bara ekki segja það.

[fýkupúki (IP-tala skráð) 19.7.2008 kl. 23:07]

Það eru eflaust ekki margir sem að sáu í gegnum Bubba hér um árið þagar að honum tókst enn einu sinni að telja fólki trú um að hann væri "maður fólksins" þ.e þegar að hann samdi "serbesknt blóð" (leiðréttið mig ef að þetta er ekki nafnið á laginu)Kallinn greip bara það næsta sem að honum datt í hug til að fanga athyglina og tókst það listavel en eins og allir vita núna þá voru serbarnir vondu kallarnir í því stríði...það vissi bubbi ekki þá en draslið virkaði vel og hann seldi cd like crazyKallinn kann að spila með almúgann og fyrir það fær hann respect frá mér þó að ég hafi aldrei fílað tónlistina hans