Í gær keyrði ég gegnum þrumuveður og flóð í Iowa

Á ferð minni um Bandaríkin í gær, frá Minneapolis og um Iowa til Nebraska, skall á mikið þrumuveður. Mér fannst ég vera að keyra í gegnum þvottastöð í klukkutíma á alltof litlum hraða.

Þegar ég var nánast bensínlaus ákvað ég að leita bensínstöðvar í litlum afviknum bæ, en þegar ég kom þar að var allt á floti. Maður óð garðinn sinn í vaðstígvélum og húsin virtust sokkin ofan í vatnsfen. Þetta var frekar súrrealísk sýn.

12 tíma ökutúrinn gekk annars bara vel. Engin óhöpp, ekkert vesen, bara lengur á ferðinni en ég ætlaði mér.

Vildi bara deila þessu.

 

Óveður í Bandaríkjunum

Athugasemdir

[Guðrún Jóna Gunnarsdóttir, 10.6.2008 kl. 00:10]

Farið varlega þarna úti, ómögulegt að vita á hverju er von á þegar veðrið er annars vegar

[Hrannar Baldursson, 10.6.2008 kl. 12:07]

Ég passa mig og klæði mig eftir veðri, í stuttbuxum og bol. Þrumuveður með skýstrókum gerast hérna öðru hverju. Það er fátt magnaðra en að sjá svona skýstrók með berum augum innan um eldingarský.