Stórleikari fallinn: Heath Ledger (1979-2008)

Þeir segja að þegar fræga fólkið deyr, þá eru það alltaf þrír í einu. Vonandi er það ósatt. Robert J. Fischer dó í síðustu viku, og Heath Ledger í gær.

Heath Ledger var með betri leikurum í Hollywood og var honum spáð miklum frama með hans næstu mynd, framhaldsmyndinni af Batman Begins (2005), The Dark Knight (2008). Það var búið að taka hana upp, þannig að hún verður líklegast tileinkuð minningu Heath Ledger þegar hún kemur í bíó næsta sumar.  Ledger var tilnefndur til óskarsverðlauna árið 2005 fyrir leik sinn í Brokeback Mountain. Einnig þótti hann þrælgóður í myndinni um Bob Dylan, I'm Not There.

Síðasta mynd sem ég sá með Ledger var The Brothers Grimm (2005) sem mér fannst afar góð. Annars ætla ég að setja inn sýnishorn úr þeim myndum sem ég hef séð eftir hann.

The Patriot (2000)

Leikur elsta son Mel Gibson, sem berst fyrir frelsi gegn Englendingum í bandarísku byltingunni árið 1776. Eftirminnilegastur allra í þeirri kvikmynd - stal senunni af Gibson sjálfum.  

A Knight's Tale (2001)

 

 

Leikur bóndason sem vill gerast riddari. Eftirminnileg gamanmynd um miðaldariddara þar sem tónlist Queen virðist lifa á meðal fólksins. 

Monster's Ball (2001)

visit videodetective.com for more info

Leikur ungan mann í sjálfsvígshugleiðingum. Þetta er myndin þar sem Halle Berry fékk óskarinn.  

The Four Feathers (2002)

visit videodetective.com for more info

Leikur breskan hermann árið 1884 sem talinn er heigull fyrir að hætta í hernum. Fyrir vikið tapar hann ástum kærustu sinnar, en ákveður að sanna hugrekki sitt með því að fara dulbúinn í stríð ásamt vinum sínum.

The Brothers Grimm (2005)

Leikur annan Grimmsbræðra, þann sem lifir í heimi ímyndunaraflsins þar sem allt getur gerst. 

Brokeback Mountain (2005)

visit videodetective.com for more info

Leikur kúrekastrák sem verður ástfanginn af öðrum kúrekastrák, giftist síðan konu en heldur síðar framhjá henni með kúrekastráknum. 

 

Og fljótlega:

The Dark Knight(2008)

visit videodetective.com for more info

Leikur The Joker, hrikalega geðveikan glæpamann sem er höfuðóvinur ofurhetjunnar Batman. 

 

Blessuð sé minning þessa fína leikara.

 

Takk fyrir skemmtunina. 

Heath Ledger látinn

Athugasemdir

[The Jackal, 23.1.2008 kl. 12:13]

Flott grein.

[beturvitringur (IP-tala skráð) 23.1.2008 kl. 12:37]

Takk fyrir fína samantekt.

[G. (IP-tala skráð) 23.1.2008 kl. 15:12]

Flott færsla. En varðandi það sem þú nefndir fyrst þá lést annar frægur maður í síðustu viku en það var barna og unglingastjarnan Brad Renfro sem sló fyrst í gegn í myndinni The Client. Þrír eru þeir því miður

[Grisemor, 23.1.2008 kl. 15:46]

Já ég ætlaði einmitt að nefna Renfro.

Ledger var ágætis leikari en hann lék í mörgum ofboðslega klisjukenndum myndum. T.d er The Patriot eins versta þjóernisrembu, stríðsréttlætingar mynd sem gerð hefur verið (og eru þá myndir Nasista í WWII taldar með).

Knights tale var móðgun við áhorfendur því stærsti hópur áhorfendanna var á aldrinum 14-25 ára og margir þeirra eru þegar illa að sér í sögu og halda eftir myndina að hún hafi dregið upp raunsanna mynd af miðöldum.

Í þriðja lagi, hversvegna í ósköpunum að gera eitt Batman ruslið enn, þegar er t.d. Jack Nicholson er búinn að gera the Joker skil með eftirminnilegum hætti.

Flatneskjan í Hollywood er með ólíkinum...

[Pétur Fannberg Víglundsson (IP-tala skráð) 23.1.2008 kl. 19:54]

Grisemor: Burtséð frá flatneskjunni í Hollywood þá verð ég nú að segja að síðasta Batman mynd var alveg frábær og mikil spenna ríkir fyrir Dark knight. Það er búið að endurnýja Batman seríuna með góðum árangri og því er ekki hægt að tala um enn eitt Batman ruslið.

[Linda, 23.1.2008 kl. 20:13]

sorglegt þegar ungt og efnilegt fólk fellur frá skiptir ekki máli hvort um sé að ræða þá sem frægir eru eða ekki.  Heath hafði hæfileika og skildi eftir sig margar góðar myndir.  James Dean var efnilegur líka og hann er goðsögn í dag ætli það sama eigi eftir að ske með Heath? Hver veit en  það kemur í ljós.

[Ásdís Sigurðardóttir, 23.1.2008 kl. 21:53]

Flottur pistill hjá þér.  Mér fannst hann frábær og mun sakna þess að fá ekki að sjá fleiri myndir með honum. 

[Alvy Singer, 23.1.2008 kl. 23:03]

Mjög leiðinlegt að hann skuli falla svona frá, sérstaklega þegar hann er að komast á tindinn. The Dark Knight verður rosaleg, ef maður tekur eitthvað mark á trailerum. Hann er allavega flottur í þessum trailer.

Hann var einnig mjög góður í I'm not there.

[Sveinn Hjörtur , 23.1.2008 kl. 23:32]

Flott samantekt!

Sárt að sjá á eftir honum... 

[Hrannar Baldursson, 23.1.2008 kl. 23:36]

Takk fyrir góðar athugasemdir. Í sambandi við Brad Renfro, þá kom fráfall hans mér ekki jafn mikið á óvart, enda hafði ferill hans verið á niðurleið vegna fíkniefnaneyslu, en ekkert slíkt hafði heyrst um Ledger, sem var mjög vel liðinn í Hollywood.

[Steingerður Steinarsdóttir, 24.1.2008 kl. 11:13]

Mér finnst alltaf skelfileg sóun þegar fólk fellur frá svona ungt. það er svo margt sem það á ólifað.

[Ómar Ingi, 24.1.2008 kl. 19:58]

Frábær grein um frábæran leikara

Þunglyndi eftir skilnað við eiginkonu sína hefur kanski valdið miklu svefnleysi og við þær aðstæður verða menn hættuegir sjálfum sér sérstaklega hvort sem um viljverk hans eða óviljaverk hafi verið að ræða þá var hann að fara ákaflega illa með sjálfan sig.

Eða svo getur maður í eyðurnar hjá Miklum leikara hann fór of fljótt

R.I.P