Tengt PISA: Hversu mikinn tíma nota íslensk börn og unglingar til að læra heima?

Í tilefni af PISA niðurstöðum um daginn, þar sem ljós kom að 15 ára íslensk skólabörn voru langt á eftir börnum frá öðrum löndum í ákveðinni fagþekkingu, spurði ég samstarfsfélaga minn frá Singapore hvernig aðstæður væru í hans landi, af hverju nemendur þar í landi kæmu svona vel út í stærðfræðinni þar.

Það er ekki endilega að skólakerfið sé gott, heldur vinna nemendur gríðarlega heimavinnu. Eftir skóla er algengt að þeir vinni heimavinnu til kl. 23:00 að kvöldi með einkakennara sem ráðinn er af foreldrum, og einnig um helgar. Börnin hafa ekki mikinn tíma til annars en heimavinnu. Hann sagði hálf dapurlega að börnin væru eins og vélmenni, allt snérist um árangur, og lítill tími væri fyrir tómstundir, nema viðkomandi sýndi afburða árangur í sínum tómstundum.

Ég reikna með að það sé afar sjaldgæft að nemendur á Íslandi stundi námið jafn stíft og jafnaldrar þeirra í Singapore. Það hlýtur að vera undantekning frekar en regla. Eða hvað?

Það væri áhugavert að kanna þetta: 

Hversu mikinn tíma nota íslensk börn og unglingar til að læra heima?

 

Mynd: Skólabörn í Singapore (AFP) 

Athugasemdir

[Ásthildur Cesil Þórðardóttir, 22.12.2013 kl. 16:02]

Í Austurríki er mikilli heimavinnu krafist af nemendum alveg frá 6 ára aldri.  Það er minnst 2ja tíma heimaprógramm strax í 6 ára bekk, og ef nemendur standast ekki próf þá komast þau ekki upp úr sjöttabekk, mér þætti gaman að heyra hvað íslenskir foreldrar segðu þá.  Ef börnin eru veik þá kemur barnið í næsta húsi með verkefnin heim og þau þurfa að skila bæði verkefnum frá deginum áður og svo frá deginum sem þau voru veik.  Og ég er að tala um frá 6 til níu ára bekk þar sem ég þekki til.  Um tíu ára aldur verða þau að ákveða hvaða braut þau ætla að taka í framtíðinni, og það verður ekki aftur snúið. 

[Ásthildur Cesil Þórðardóttir, 22.12.2013 kl. 16:02]

Mikillar.. sorrý.