Hryllilegt spark sem Terry fékk í höfuðið

Ég sá þennan leik og þetta ljóta spark sem Terry fékk undir kjálkann. Þegar Terry stökk að boltanum með höfuðið á undan, og ætlaði líklega að skalla boltann í netið, kom varnarmaður Arsenal að og þrykkti undir höfuð Terry eins og ef um bolta væri að ræða. Terry lippaðist meðvitundarlaus niður á jörðina og hópur manna umkringdi hann samstundis. Þetta leit illa út. Ég hélt hann væri dauður. Eftir smástund fór hann svo að hreyfa sig eitthvað, og þá hélt ég að hann væri 'aðeins' hálsbrotinn. Svo þegar fréttist að hann hafi útskrifast af sjúkrahúsi rúmum klukkutíma síðar hlýtur mönnum að létta.

Terry gat fagnað með félögum sínum

Athugasemdir

[Oddur (IP-tala skráð) 25.2.2007 kl. 19:41]

haha, það var ekkert að honum:)

[Hafrún Kristjánsdóttir, 25.2.2007 kl. 20:42]

Viðbrögð mín voru svipuð, ég var handviss að hann væri í lífshættu amk stórslasaður.  Eitt er víst að menn hafa drepist við minna högg en þetta.

[Yngvi Freyr (IP-tala skráð) 26.2.2007 kl. 11:45]

Já hrikalegt atvik, maður var alveg í losti eftir þetta. Annað er þó að það mætti skilja af skrifum þínum að þetta hefði verið ásetningur af hálfu Arsenal mannsins sem var að reyna sparka boltanum frá marki sínu, slíkt efast ég stórlega um.

En svo maður líti á spaugilegu hliðina á málinu að þá var JT útskrifaður af spítala eftir 45 mínútur og mun spila næsta leik á meðan að Diaby er meiddur á ökkla eftir að hafa sparkað í JT og hann mun vera frá í einhvern tíma. 

[Hrannar Baldursson, 26.2.2007 kl. 18:31]

Mér datt ekki í hug að ásetningsbrot væri að ræða.

[Dalli dómari (IP-tala skráð) 26.2.2007 kl. 21:44]

Spurning hvort ekki hefði átt að dæma vítaspyrnu á þetta hættuspark?

Sennilega hefði verið dæmt á þetta ef þetta hefði gerst utan vítateigs og örugglega hefði verið dæmd aukaspyrna ef atvikið hefði verið öfugt, þe. sóknarmaðurinn sparkað í hausinn á varnarmanni sem hefði skutlað sér til að bjarga marki

[Ragnar (IP-tala skráð) 27.2.2007 kl. 18:01]

Diaby var bara að reina að koma boltanum frá markinu og það var bara terry að kenna að hann fekk fótinn í hausinn sinn hann vissi að diaby var að fara að sparka i boltan þannig að þetta var alveg óvart hjá diaby hann myndi alrei gera neitt sona viljandi ???? hata chelsea KV Ragnar i salaskola