Hin fordómafulla manneskja

Fordómar eru þegar manneskja hefur skoðun á heiminum, skoðun sem hafin er yfir allan vafa og getur í hennar huga ekki verið annað en hin eina heilbrigða leið til að sjá heiminn, skoðun sem er fullmótuð og getur ekki lengur vaxið. Hún er stopp.

Hin fordómafulla manneskja gerir ráð fyrir að hennar sýn á heiminum sé sú eina rétta, og að aðrar skoðanir sem stangast á við hana séu einfaldlega rangar.  Hin fordómafulla manneskja sér sig ekki sem fordómafulla, heldur sem skilningsríka veru, hugsandi veru, manneskju með reynslu, sem hefur rannsakað eigin hug og heiminn gaumgæfulega, komist að ákveðinni niðurstöðu og fest hana sem ófrávíkjanlega trú.

Hin fordómafulla manneskja samþykkir ekki aðrar forsendur en hennar eigin, og því getur verið afar erfitt að ræða við slíka manneskju um rót fordómanna. Sé hin fordómafulla manneskja hins vegar tilbúin til að skyggnast inn í eigin fordóma, er hætta á að trúverðugleiki eigin skoðanaheims geti hrunið; því er slíkur vafi hættulegur fyrir þá sem vilja standa fast á sínu, en nauðsynlegur fyrir þá sem vilja finna sannleika.

Vandinn er að það er auðveldara að skilja heiminn þegar maður hefur rammað hann inn í eigin skoðanir. Og öll verk eru réttlætanleg í huga þess sem vill bæta það sem passar í rammann. Því miður áttar hin fordómafulla manneskja sig ekki á því að ramminn passar bara á einn vegg og fyrir eina mynd, á meðan heimurinn sjálfur hefur óteljandi veggi og myndir. 

Fátt er meira pirrandi en þegar fordómafull manneskja fær völd og getur tekið ákvarðanir sem hafa djúp áhrif á líf annarra. Hitler, Mússolini, Franco, Stalin; þeir voru þannig. Fjöldamorðinginn í Osló og Útey er þannig. Og þannig er fjöldi Íslendinga sem er við völd í dag. Þannig er fjöldi fólks við völd víða um heim.

Opið samfélag er ekki samfélag án fordóma. Opið samfélag er samfélag sem tekst á við fordóma með skilvirkum hætti, samfélag sem er tilbúið að læra og skilja, bæta sig stöðugt - en halda ekki fast í gamlar kreddur.

Athugasemdir

[DoctorE (IP-tala skráð) 30.7.2011 kl. 12:03]

--
Fordómar eru þegar manneskja hefur skoðun á heiminum, skoðun sem hafin er yfir allan vafa og getur í hennar huga ekki verið annað en hin eina heilbrigða leið til að sjá heiminn, skoðun sem er fullmótuð og getur ekki lengur vaxið. Hún er stopp.
--

Trúarbrögð... þú ert að lýsa þeim þarna.

[Hrannar Baldursson, 30.7.2011 kl. 12:15]

DoctorE: Ekki endilega. Og ekki einungis.

[Jóhannes (IP-tala skráð) 30.7.2011 kl. 21:51]

DoctorE er fljótur að dæma eins og endranær. Mér finnst þessi lýsing sem DoctorE vitnar í eiga ágætlega við hann sjálfan.

Hann hefur oft lýst skoðunum sínum og þykist vera fordómalaus og vitur. En ég hef sjaldan lesið skrif sem eru jafn lituð af hatri, virðingarleysi og fordómum eins og skrif DoctorE. Ég hef aldrei séð svo mikið sem votta fyrir náungakærleika hjá honum. Hver er DoctorE og hvers konar manneskja er hann (eða hún)?

[DoctorE (IP-tala skráð) 31.7.2011 kl. 00:26]

Kallar sig Jóhannes núna... karlinn :)

Rosalegt hatur í gangi hjá mér, ég þarf ekki annað en segja að Jesú hafi ekki verið til í alvörunni; BANG hatur.
Best er þó af öllu þegar ég segi það sem biblían segir um hann Gudda og fjöldamorðin hans, þá er ég verstur af öllum :)

Maður verður víst seint vinsæll þegar maður segir sannleikann um það að fólk er dautt þegar það er dautt hahaha

[Óskar Arnórsson, 7.8.2011 kl. 22:14]

Ég er voðalega ánægður að vera algjörlega laus við alla fordóma. Ég er ekki eins og margir sem ganga um með kolvitlausar skoðanir á allt og öllum og breyta skoðun sinni frá degi til dags.... ég er búin að vera með mína skoðun í 50 ár og ætla sko ekki að fara að breyta henni núna. Geri aðrir betur...

T.d. DoktorE. Sé hann skoðaður vísindalega þá er niðurstaðan augljós. Hann hefur óvart étið soðna biblíu og fengið heiftalega eitrun sem er enn ekki gengin yfir.

Greinileg hugarfarseitrun sem ekkert getur lagað nema hrein ást frá Guði almáttugum, skapara himins og fjarðar....

Persónulega trúi ég mest á engla, helst kvenkyns ýturvaxnar með stóra vængi og langa fótleggi...

DoktorE ýtir fleirum út í trúarbragðadýkið enn flestir aðrir prestar og predikarar.

Menn lesa það sem DoktorE skrifar of fá martraðir á nóttunni af því. Þá fara menn að biðja til Guðs í ofboði um sálarró og án þess að skilja hvernig það skeði, eru menn komnir á kaf í trúarbrögð og jesú.

DoktorE er útsendari trúarbragða sem notar tækni við að bölva Guði í sand og ösku og vekur þannig upp forvitni um Guð hjá vantrúuðum. Meira að segja hjá fólki sem aldrei nokkurtíma hefur leitt hugan að Guði áður...fór að trúa í gegnum DoktorE.

"Vegir Guðs eru órannsakanlegir" og er ég persónulega viss um að DoktorE á eftir að vera minnst sem Guðs manns um aldur og æfi. Svo talar hann stundum um dauðan eins og hann viti ekki betur. Steindauður, slokknaður forever... ;)

Fyrir bara þremur lífum síðan var DoktorE aðalpresturinn í stórri kirkju sem ég þekkti á svipuðum tíma. Hann var rekin fyrir einhverja synd og hét því að vinna gegn Guði að eilífu eftir það.

Og núna er hann á MBL.is og hamast. Fórnardýr eigin haturs á gömlum atvinnurekanda sem hann elskaði svo mikið. Hann kallaði sig ekki DoktorE í þessu tiltekna lífi, enn DoktorE hefur sótt grunsmalega mikið í kirkjur í flestum síðari lífum sínum.

Og það gerir DoktorE enn eitt lífið í viðbót.

Annars skil ég ekki að DoktorE sé að kenna Guði um öll dráp um allt. Mannkyninu fjölgar sem aldrei fyrr og eins og DoktorE veit best sjálfur þá kemur Guð með börnin og ekki storkurinn...

DoktorE er einn besti prestur sem kirkjan hefur haft á sínum snærum síðustu þúsund ár. Og DoktorE skilur hvernig æfug sálfræði virkar á fólk og fær það til að öðlast hinn sanna skilning á Guði....halelúja....

Ég vil kjósa DoktorE sem biskup yfir Íslandi til að koma viti í kirkjumálinn okkar...