Icesave lífgað og athugasemdakerfi Eyjunnar drepið á sama degi: tilviljun?

"Hugmyndir eru öflugri en byssur. Við myndum ekki gefa óvinum okkar byssur, af hverju ættum við að gefa þeim hugmyndir?" (Jósef Stalín)

Fyrir tæpri viku keypti nýr hópur vefsvæðið eyjan.is og í dag liggur athugasemdakerfi Eyjunnar niðri, á sama tíma hefur Icesave 3 verið samþykkt á þingi, án þess að nokkuð hafi breyst í grundvallaratriðum.

Skuldbindingar eigenda og stjórnenda gríðarlega stórs einkafyrirtækis eiga ekki að lenda á Íslendingum framtíðarinnar, sama þó að Íslendingar nútímans geti fengið einhver trilljón milljarða lán á móti. Það er ekkert sem réttlætir þetta ofbeldi gegn framtíð okkar. Þeir sem huga ekki að framtíðinni í svona málum, sjálfum grundvelli siðferðisins, hafa ekkert erindi á þing.

Þetta lítur út eins og tilraun ríkisstjórnar eða útrásarvíkinga, hugsanlega beggja, til að ná aftur stjórn á umræðu, sem áður var í höndum þessara aðila, en þeir höfðu glatað henni í hendur venjulegs fólks; bloggara, í kjölfar hrunsins.

Eyjan var einhvers konar paradís þar sem rödd samfélagsins ómaði, en Adam ákvað að selja Paradís og leggjast á helgan stein með Evu. Í dag er slökkt á kerfinu. Á morgun verður nafnlausum notendum ekki lengur leyft að skrifa þar. Eyjan var öflugasta kerfi sinnar tegundar á landinu. Ekki lengur.

Vígi hvers vefmiðils og fjölmiðils á eftir öðrum lendir í höndum hagsmunasamtaka, þeirra sem vilja passa upp á sitt - hvort sem hagsmunirnir felast í völdum eða peningum, enda vitum við vel að sá sem stjórnar fjölmiðlum, stjórnar þjóðfélagsumræðunni, og sá sem stjórnar umræðunni getur haft gífurleg áhrif á hvernig fólk hugsar. Þér finnst kannski erfitt að trúa því. Veltu því fyrir þér.

Í samfélagi þar sem ekki finnst pláss fyrir gagnrýna hugsun, þar finnst ekki heldur pláss fyrir lýðræði.

Spurningin á þessu augnabliki er hvort að þjóðin fatti svikamylluna og láti bjóða sér þetta möglunarlaust, eða hvort hún láti þetta yfir börn sín ganga?

"Ég elska lætin í lýðræðinu." (James Buchanan) 

Athugasemdir

[Ómar Ingi, 16.2.2011 kl. 23:02]

Conspiracy Theory

[Hrannar Baldursson, 16.2.2011 kl. 23:06]

Hvað annað?

[Gunnar Jóhannsson (IP-tala skráð) 17.2.2011 kl. 00:55]

Þetta er fáránlega augljóst.  Það er a.m.k. ekki gáfulegt að loka alveg fyrir kommentakerfið þó svo að til standi að breyta því.  Ekki frekar en að útvarpsstöð hætti útsendingum vegna fyrirhugaðra breytinga á dagskrá.

[Ásthildur Cesil Þórðardóttir, 17.2.2011 kl. 10:38]

Já þetta er með ólíkindum alveg.  Og auðvitað til að koma í veg fyrir umræður sem koma stjórnvöldum illa.

Athugasemdakerfi Eyjunnar verður opnað aftur innan skamms og þá gefst öllum lesendum kostur á að tjá sig um efni vefjarins undir nafni.

Hvað ætli innan skamms sé langur tími á Eyisku?

[Flosi Kristjánsson, 17.2.2011 kl. 11:01]

Ég segi bara enn og aftur: Það fólk sem gladdist yfir því að ríkisstjórnum í fjarlægum löndum var velt úr sessi með stuðningi internetsins, bloggs og Facebook, sér að það sem virkar í Egyptalandi virkar líka á Íslandi.

Að vísu hafa stuðningsmenn núverandi ríkisstjórnar verið gríðarlega virkir á netinu og andstaðan grátlega slöpp, en kurl safnast oft seint til grafar og það getur bara verið af hinu góða!

[Sigurður Þorsteinsson, 17.2.2011 kl. 14:24]

Það var verið að skipta um ritstjóra á Eyjunni.is og við tók Kart Th. Birgisson. Ertu  Hrannar að halda því fram að hann tengist öðrum hvorum stjórnarflokkanna, þar sem allt á að vera opið og lýðræðislegt?

[Hrannar Baldursson, 17.2.2011 kl. 15:58]

Sigurður Þ.: Ég þekki ekki Karl Th. Birgisson af neinu öðru en þessu fyrsta verki hans sem ritstjóri Eyjunnar, að loka athugasemdakerfinu á afar viðkvæmum tíma. Hvernig hann eða hans samferðarmenn tengjast ríkisstjórn eða útrásarvíkingum er nokkuð sem aðrir menn með meiri þekkingu á slíku ættu að kanna.

[Sigurður Þorsteinsson, 17.2.2011 kl. 16:56]

Hrannar það var verið að upplýsa mig um það að Karl Th. Birgisson hafi verið framkvæmdastjóri Samfylkingarinnar, sem barist hefur fyrir því að bæta lýðræðislegum vinnubrögðum, þar sem allir menn eru jafnir....... en sumir þó jafnari en aðrir! Útrásarvíkingar tengjast svo flokkunum mismikið vegna rausnarlegra framlaga í sjóði flokkana.

[Gunnbjörn V Berndsen (IP-tala skráð) 17.2.2011 kl. 17:49]

Þetta er ekki tilviljun. Þarna er samspillingin í öllu sínu veldi. Gott að hafa lýðræði þegar það hentar.

Ég ætla að hætta að lesa Eyjuna.

[DoctorE (IP-tala skráð) 17.2.2011 kl. 18:07]

Undir fullu nafni... næsta sem gerist er að allir kjörseðlar verða merktir með fullu nafni.. Það vita allir að bully's vilja nafn og kennitölu á alla.

[Hrannar Baldursson, 17.2.2011 kl. 19:12]

Sigurður Þ.: Þá er það ljóst. Ef rétt reynist að nýi ritstjórinn er fyrrum framkvæmdarstjóri Samfylkingarinnar, þá er Eyjan orðin að málgagni Samfylkingarinnar, og eins og allir vita vildi Samfylkingin berja Icesave í gegn.

Þessi samsæriskenning er alls ekki fjarstæðukennd eftir allt.

Ritskoðun og þöggun á umræðu virðist vera í gangi, þekkt verkfæri harðstjóra til að halda völdum og koma eigin málum í gegn.

[Jakobína Ingunn Ólafsdóttir, 18.2.2011 kl. 03:44]

Sigurður ég held að menn þurfi að fara að átta sig á því að það skiptir ekki máli hvaða stjónmálaflokkum menn tengjast. Núna hefur Bjarni Ben skriðið uppí hjá jóhönnu og Steingrími og á þinginu situr því myndarlegur þríflokkur sem hefur töglin hjá flestum fjölmiðlum.

Þetta er ágætlega trúverðug samsæriskenning Hrannar.

Ég var búin að setja hana fram á feisbókinni þannig að við erum á sömu línu hvað þetta varðar.

[Sævar Einarsson, 18.2.2011 kl. 04:05]

Er þetta ekki eyðieyja ?

[Óskar Arnórsson, 18.2.2011 kl. 18:30]

Fólk sem trúir að peningamál á Íslandi snúist um í hvaða flokki maður er, veit ekkert hvað um er að vera. Á Íslandi er risa Pókergame í gangi. Gríðarlegir hagsmunir Íslenskra auðmanna eru í veði að Icesave borgist.

Jóhann, Steingrímur og þeir þingmenn sem samþykkja Icesave, eru að fremja hroðalegan glæp með þessu leikhúsi sem er búið að vefja þessu einfalda máli í.

Ríkisstjórnin er raunverulega glæpastjórn, brýtur Stjórnarskrá í bak og fyrir og landsmenn eru svo miklir aumingjar að þeir stoppa þetta ekki.

Ef forseti segir ekki nei, er það hann ákvörðun að slökkva á þessu landi. Að slökkt sé að athugasemdakerfi í verðlausu bloggi er bara smá sýnishorn.

Fólk mun flytja úr landi. Það vill engin ábyrg fjölskylda ala upp börn sín í landi sem hvetja það til að verða hluti af agnarlítilli snobbmafíu sem hefur það að markmiði að lifa á fólki sem ekki þorir að verja sig.