Hvort eigum við að standa saman og borga skuldir einkavæddra banka, eða standa saman og neita að borga skuldir sem aðrir bera ábyrgð á?

 

 

 

Þrír einkavæddir bankar fara á hausinn og skilja eftir sig skuldahala sem jafnast á við tólffalda ársframleiðslu íslensku þjóðarinnar.

Þjóðin mun borga fyrir ballið og hreingerningarnar sem skildu samkomuhúsið eftir sem rjúkandi rústir. Annars myndi enginn gera það, og fólk sættir sig ekki við að  búa í brunarústum.

Talað er um að hin skuldlausa þjóð þurfi að taka lán til að borga skuldir. Lán af Hollendingum til að borga Hollendingum. Lán af Bretum til að borga Bretum. Lán frá Rússum til að borga öllum hinum. Lán frá IMF sem enginn veit hvað þýðir.

Við erum að tala um lán fyrir þúsundi milljarða og lán þarf að borga til baka. Af hverju á ég og mín fjölskylda að taka lán til að borga fyrir mistök og glæpi annarra einstaklinga?

Ég spái því að þetta muni kosta eins og eitt skólakerfi, íbúðalánasjóð, heilbrigðiskerfi, félagslegt velferðarkerfi og nokkrar orkuauðlindir, auk hærri skatta í nokkur ár.

 

Samviskuspurning:

Hvort eigum við að standa saman og borga skuldir einkavæddra banka, eða standa saman og neita að borga skuldir sem aðrir bera ábyrgð á?

Athugasemdir

[Ómar Ingi, 14.10.2008 kl. 20:32]

Ekki banka fór úti banka

[Magnús Sigurðsson, 14.10.2008 kl. 20:37]

Þetta eru  snúnar spurningar Hrannar. 

Auðvitað eigum við ekki að standa saman um að borga skuldir einkavæddu bankanna, við verðum látin gera það hvort sem er.

Ef við stöndum saman um að borga ekki skuldirnar, þá höfum við þegar fengið forsmekkinn af því eingin lán, lítið  traust og lítill gjaldeyrir.  Það sem verra er að við höfum engan Castro við höfum bara hann Geir.

[Res (IP-tala skráð) 14.10.2008 kl. 20:38]

Sá það á mbl að  Ísland getur ekki lýst sig gjaldþrota,, vegna þess að við borgum skatta til Ríkisins ,,og þá hafa þeir tekjur sem þeir neyðast til að borga lánin okkar niður með. En hvernig væri að við hættum að borga skatta og greiddum fyrir alla okkar þjónustu,, þá fær ríkið engan pening til að borga niður lánin okkar og þar af leiðandi komið á hausinn og við losnum við 100 ára skuldbindingu með öllu þeim erfiðleikum sem því mun fylgja......

[Óskar Þorkelsson, 14.10.2008 kl. 21:16]

það er auðvelt að flytja bara úr landi... hef gert það áður og mun ekki hika að gera það einu sinni enn.. Ég ætla allavega ekki að borga fyrir þessa lúsablesa.

[Berglind Steinsdóttir, 14.10.2008 kl. 21:18]

Valið getur ekki  bara staðið um kúk og skít. Hvar eru peningarnir sem lagðir voru inn í Bretlandi og Hollandi? Hvað eru eignir bankanna í útlöndum mikils virði? Hvernig ávaxtaði Bjarni Ármanns milljarðinn sinn og hvar geymir hann þann pening allan? Þegar þetta fé innheimtist á að nota það til að borga lánin til baka.

Hvað halda Sigurjón Þ. Árnason, Halldór J. Kristjánsson, Lárus Welding, Hreiðar Már Sigurðarson, Sigurður Einarsson og millistjórnendurnir lengi ofurlaununum sínum, bónusunum og kaupréttarsamningunum ... jæja, sleppum kaupréttinum, hann hlýtur að vera farinn.

Hver er og hvar er sanngirnin ef fólk missir virkilega ævisparnaðinn sinn vegna óráðsíu annarra?

[sandkassi (IP-tala skráð) 14.10.2008 kl. 21:38]

Það á alls ekki að borga meira en samningar segja til um

[Ívar Pálsson, 14.10.2008 kl. 21:55]

Við getum ekki borgað 15.600 milljarða króna skuld, svo einfalt er það. Bara vextirnir geta orðið þjóðarframleiðslan á ári. Eignirnar genga lítið eitt upp í í dag. Réttara er að fyrir ríkið segja eitt stórt nei við skuldum einkafyrirtækja, fara í mál og taka afleiðingunum, heldur en að skrifa upp á Versali II, eins margir benda á að valdi þjóðargjaldþroti. Það er erfitt að taka skellinn, en ennþá erfiðara að vera settur í skuldafangelsi.

[Helga (IP-tala skráð) 14.10.2008 kl. 21:56]

Eins og ég hef sagt annars staðar í athugasemdum hér á moggablogginu þá er það mér algjörlega óskiljanlegt hvernig ríkið gat sett mig og aðra Íslendinga í ábyrgð fyrir útrás bankanna. Mér skilst á þeim svörum sem þar komu að það sé vegna EES samninga sem það var hægt. En hvernig er hægt að verja það að ríki sé sett í ábyrgð fyrir tólffaldri þjóðarframleiðslu þess? Ég játa það fúslega að ég er alveg ofboðslega reið því að ég og börnin mín, jafnvel barnabörn mín, séum sett í þá aðstöðu að borga fyrir þessa ævintýramennsku örfárra manna. Hvar voru þeir sem áttu að verja hagsmuni okkar? Hvenær ætla þeir að axla ábyrgð sína og segja af sér? Þá á ég ekki síður við þá sem sitja á alþingi, fyrrverandi ríkisstjórn Sjálfstæðisflokks og Framsóknar og sitjandi en Seðlabankastjórn og Fjármálaeftirlits. Spyr sá sem ekki veit en ég held að við, almenningur í landinu, séum allt of vön því að láta allt yfir okkur ganga og þrífa skítinn upp eftir þetta lið allt.

 Eigið góðar stundir.

HJ

[sandkassi (IP-tala skráð) 14.10.2008 kl. 22:03]

ég hef sagt það að það á alls ekki að semja við breta og ekki heldur við Alþjóðagjaldeyrissjóðinn.

Sjóðurinn hefur sett samninga við breta sem skilyrði fyrir aðstoð. Ég segi við þurfum á hvorugum aðilanum að halda.

Enga samninga.

[Lára Hanna Einarsdóttir, 14.10.2008 kl. 22:15]

Til að byrja með eigum við að standa saman um að reka Seðlabankastjóra. Ég er ekki til í að borga honum laun lengur.

Síðan eigum við að standa saman um að reka ríkisstjórnina og boða til nýrra kosninga áður en Árni, Guðlaugur Þór og fleiri semja rassinn úr buxum þjóðarinnar.

Svo skulum við athuga hvernig við getum staðið saman um rest.

[Hippastelpa, 14.10.2008 kl. 23:35]

Nóbelsverðlaunahafi í hagfræði um samsæri gegn Íslandi!

Afsakið innrásina,mig langar að benda öllum sem hafa áhuga á ástandinu í þjóðfélaginu að lesa bloggið mitt. þar hef ég postað bloggi sem Paul Krugman, nóbelsverðlaunahafi i hagfræði talar um fjármálasamsæri gegn íslandi. Langar að fá álit samlanda minna því ég verð að segja að í dag hljómar þetta ansi kunnuglega.

[sandkassi (IP-tala skráð) 14.10.2008 kl. 23:45]

Mjög athyglisvert.

[Jon Mag (IP-tala skráð) 14.10.2008 kl. 23:47]

Tek undir með HJ og mörgum fleirum hér að ofan.Ég er líka reiður og illa svikin.Mest vegna þessara byrða sem okkar gjörspilltu og siðblindu stjórnvöld hafa komið á börnin okkar og barnabörn að borga.Ég fæ meira og meira upp í kok bara við að sjá andlitið á hinum svokölluðum fulltrúum okkar á þingi og  í ríkisstjórn . Því fyrst og síðast er það þetta fólk sem ber ábyrðina á því hvernig komið er . Þar á eftir koma útrásar glæframennirnir og bankamennirnir. Merkilegt hvað stjórnvöld töldu brýnt að hafa öflugt eftirlit með því að leiguliðar kvótakerfisins væru ekki að svíkjast um að borga kvótagreifunum 2/3 af því sem þeir koma með að landi.Starfsmenn fiskistofu eru um 86, hvað voru margir hjá  fjármálaeftirlitinu til að fylgjast með  bönkunum og þeirra umsvifum ?

[Þór (IP-tala skráð) 14.10.2008 kl. 23:56]

Kannski hef ég bara óforbetranlega þörf fyrir að halda uppi vörnum fyrir þeim óvinsæla í umræðunni en:

 Fyrir stuttu síðan voru þessir útrásar bankamenn nýju hetjurnar okkar íslendinga.

Eina grein hef ég lesið í ensku blaði efitr íslending sem segir eitthvað á þá leið að þessir ríku gaurar voru ekkert á okkar ábyrgð sem íslendinga í heild, vildi bara svo til að þeir væru með eins vegabréf.

Ég er ósammála því sjónarhorni, það er annaðhvort eða. Vissulega fóru þeir illa á því, en það er ekki eins og ríkistjórnin hafi ekki verið ánægð með hvaða skatt sem hún fékk meðan þetta gekk allt vel. Og almenningur ekkert óánægður með velgengnis fréttir af íslendingum að meika það í bankageiranum, ekkert frekar en almenningur á íslandi er eitthvað svekktur yfirleitt með fréttir af íslenskum íþrótta eða hvað sem er sem gengur vel í útlöndum.

 Æi veit það ekki, kannski miðast mitt sjónarhorn við það að fyrir mér þýðir þessi svokallaða kreppa (enginn er farinn að svelta ennþá er það?) þau einu skerðingar á lífsgæðum að það er ca. helmingi dýrar fyrir mig að ferðast til útlanda og svo á hinn kanntinn þá væri kannski fljótvirkara fyrir mig að flytja til útlanda og vinna þar til að borga skuldir. Ég er svo "heppinn" að skulda bara í íslenskum krónum.

[haraldurhar, 14.10.2008 kl. 23:57]

   Hrannar við eigum ekkert val, nema þá segja okkur til sveitar, og það gerum við ekki fyrr en í síðustu lög.   Eitthver tryggingafélag hefur auglýst á undanförnum árum.  ÞU TRYGGIR EKKI EFTIRA.  Það er akkurat er stjórnkerfi okkar brást að eiga ekki sjóði til að taka á móti áhlaupi.  Það virðist eins og enginn í Ríkisapparatinu hafi manndóm í sér til að gangast við afglöpum sínum.  Við áttum fjölmargar verðmætar eingir og fyrirtæki í útlöndum, sem ýmiss hafa verið seldar á hrakvirði, eða eru verðlittlar þar sem við virðust ekki hafna neina burði til að bera hönd yfir höfuð okkar, þó með þeirri undantekingu að Norskum stjórnvöldum sveið aumingadómur okkar og tók um sl. helgi að vernda eingir okkar.

[Emma (IP-tala skráð) 15.10.2008 kl. 03:33]

Ég er hrædd um að við höfum ekkert val.

[Rósa Halldórs (IP-tala skráð) 15.10.2008 kl. 07:07]

Skuldlaus þjóð my ass. Íslensk heimili hafa verið of-skuldsett í langan tíma.

Almennt launafólk hefur verið að skítalaunum og hefur ekki náðst leiðrétting á því né hefur almenningur notið skattalækkana eins og fyrirtækin.

Við þurfum að mynda samstöðu um að verðtryggingu verði hent út á hafsauga. Að það verði stokkað upp á nýtt í húsnæðiskerfinu.

[who cares (IP-tala skráð) 15.10.2008 kl. 11:45]

Hæ,

bara svona að ganni, þá reiknaði ég út 15.600 milljarða króna skuld Íslendinga (veit reyndar ekki hvaðan þessi fjárhæð kemur) og prófaði að dreifa henni niður á jafnar afborganir í 100 ár m.v. 5% vexti (ca. 3 kynslóðir vinnandi Íslendinga og 5% vextir er nú bara út í loftið).

Jafnar afborganir m.v. eina greiðslu á ári væru þá ca. 786 milljarðar á ári (9 núll á eftir 786).

Svo tjékkaði ég á Hagstofunni og fann þar Ísland í tölum, held að þetta sé nýjasti bæklingurinn. Þar kemur fram á bls. 20 að Vergar Þjóðartekjur (sem er ekki alveg það sama og GDP) voru ca. 1.076 milljarðar árið 2006. Ég lækkaði þá tölu um 27% þar sem umsvif fjármálaþjónustu, lífeyrissjóða, vátrygginga og fasteignaviðskipti voru þessi partur af vergu þjóðartekjunum á þessu ári (af því að ég held að það verði ekki mikil umsvif í þeim geira á næstunni). Þá kemur út ný tala, eða ca. 786 milljarðar á ári...

Það er nákvæmlega sama talan og afborganirnar af skuldasúpunni okkar. Niðurstaðan er því að Vergar þjóðartekjur Íslendinga næstu 100 árin munu fara í að borga skuldina (ath. að gefnum þessum forsendum).

Hvað segiði, er ekki málið að hræra í fleiri álver, drífa upp netþjónabúið og grafa upp þessa olíu þarna norður í ballarhafi til að auka aðeins tekjurnar???

PS. EKKI TAKA ÞETTA INNLEGG OF ALVARLEGA - þetta eru bara pælingar út í loftið og smá útreikningar ÞAR SEM FORSENDUR EIGA SÉR EKKI ENDILEGA STOÐ Í RAUNVERULEIKANUM.

[Heidi Strand, 15.10.2008 kl. 12:21]

Ég er alveg sammála Láru Hönnu.

Eftir fréttum að dæma höfum við fengið val. Hærra skatta eða rússneska herstöð á Íslandi.
Yfirvöld hafa spilað rússnesk rúlletta með þjóðinni.
Ekki er lausn að flytja út, þá verður enn erfiðara fyrir þeim sem eftir sitja.

[H.T. Bjarnason (IP-tala skráð) 15.10.2008 kl. 12:41]

Þetta er náttúrulega áhugaverð siðferðisleg spurning; hversvegna á ég að borga fyrir mistökum annarra?  Ekki hafa þeir þurft að borga vegna mistaka minna.

[Geir (IP-tala skráð) 15.10.2008 kl. 13:47]

ég hugsa að best væri að láta þessa hvítflibba stráka sem fæðast með silfurskeið í munninum taka ábyrgð á gjörðum sínum svona eins og einu sinni.

[Sævar Einarsson, 15.10.2008 kl. 13:47]

Ef ég má þá ætla ég að benda á 2 færslur eftir mig, önnur snýst um það að fólki finnst það bara eðlilegt að ríkið borgi ekki Glitnislánið sjá hérna og hin færslan snýst um það hverjum er það að kenna að svona fór fyrir okkur, hún er hérna

Ég vona að þetta sé í lagi, mér finnst að fólk eigi að tjá sig um þetta.

[Ómar Bjarki Kristjánsson, 15.10.2008 kl. 15:02]

Já, það er bara svo erfitt að átta sig nákvæmlega á hvað er í gangi.

Er eitthvað í umræðunni að Ísl. skuldbindi sig til að greiða 15.600 milljarða ?

Er ekki fyrst og fremst um að ræða að ríkið verði siðferðilega (jafnvel lagalega) að ábyrgjast erlend innlán ?

Nei, ég viðurkenni að ég botna ekki alveg í, hvað nákvæmlega er í gangi.

Alveg eins og var gert í tilfelli Washington Mutual sagði Seðlabankastjóri.

http://en.wikipedia.org/wiki/Washington_Mutual

[Ívar Pálsson, 15.10.2008 kl. 16:18]

Þessir 15.600 milljarðar heildarskuld Íslendinga erlendis er 12- föld þjóðarframleiðsla Íslendinga (2007= 1300 milljarðar) sem Geir H. Haarde nefndi í fréttum. Þar af er víst skuld bankanna 9- föld þjóðarframleiðsla (sbr. Danske Bank), þá líklega 11.700 milljarðar (9x1300). Ríkið, fyrirtæki og einstaklingar hljóta þá að eiga fjórðunginn, 3.900 milljarða króna.

En athugið að ofangreindar tölur voru þegar gengi Evru var um 131 IKR/EUR. Nú er það 150 og fallandi. Því ber að hækka skuldirnar um 14,5%, þ.e. um tvö þúsund tvö hundruð og sextíu milljarða á sl. 10 dögum. Þá eru erlendar heildarskuldir Íslendinga núna um 17.860 milljarðar! Engin spurning að bankarnir eiga að rúlla án skuldbindinga ríkisins.