Salaskóli að brillera á Norðurlandamóti í skólaskák!

 

 

Eftir þrjár umferðir er sveit Salaskóla komin með 10.5 vinninga af 12 mögulegum, en Svíar I og II, auk Dana eru í 2.-4. sæti með 6 vinninga. Ég man ekki eftir jafn glæsilegri byrjun á Norðurlandamóti.

Tómas Rasmus fer með liðinu sem liðstjóri og heldur vel utan um heilbrigt líferni og góðan húmor í hópnum. Mér er þetta sérstök ánægja því að ég þjálfaði börnin í liðinu frá 2004 til 2007 ásamt Tómasi, en þegar ég hætti nokkrum mánuðum eftir að skólinn vann heimsmeistaratitil, tóku við þjálfuninni stórmeistararnir Henrik Danielsen og Þröstur Þórhallsson, en þeir hafa greinilega styrkt liðið enn frekar.

Ég vil óska mínum gömlu, en jafnframt ungu félögum innilega til hamingju með frábæra byrjun. Nú er bara að klára þetta á morgun!

Liðið skipa:

• Patrekur Maron Magnússon
• Jóhanna Björg Jóhannsdóttir
• Páll Snædal Andrason
• Eiríkur Örn Brynjarsson
• Guðmundur Kristinn Lee
• Tómas Rasmus, liðsstjóri

Athugasemdir

[Hildur Helga Sigurðardóttir, 12.9.2009 kl. 20:53]

Gott hjá krökkunum !

[Eiríkur Örn Brynjarsson (IP-tala skráð) 12.9.2009 kl. 20:54]

Hrannar,Sko Þröstur og Hernrik voru  ekki góðir þjalfarar meðan við þig þu varst alltaf Nr 1 :D

[Hrannar Baldursson, 12.9.2009 kl. 21:37]

Hildur: Þau eiga það sameiginlegt að elska það að tefla. Þau hafa gífurlegan innri metnað sem skilar sér sífellt í frábærum árangri.

Eiríkur: Takk fyrir þetta. Ég er nú viss um að margt gott hafi komið frá þeim Þresti og Henrik, sem og snillingnum honum Tómasi vini mínum Rasmus. Bestu kveðjur til ykkar og munið að hafa fyrst og fremst gaman að þessu. Úrslitin eru aukaatriði á meðan skákin sjálf er svona skemmtileg. 

[Halldór Jóhannsson, 12.9.2009 kl. 23:43]

Bara glæsileg börn og framtíðin er svo sannarlega björt í Skákheiminum hjá okkur....