Evrópusambandsaðild: Loks vonarneisti fyrir íslenska þjóð?

Umsókn um ESB er að mínu mati það allra besta sem Íslendingar geta gert í núverandi stöðu. Það hefði reyndar verið betra að vera búin að sækja um fyrir löngu, til þess að gera hagsmunaspillingu íslenskrar pólitíkur erfiðari og langsóttari.

Ég veit að þátttaka í ESB einkennist af skrifræði, en einnig mun íslensk þjóð eiga auðveldara með að sækja pólitískan rétt sinn. Það verður áhugavert að sjá hvaða áhrif þessi aðild mun hafa á kvótakerfið, auðhringana og hagsmunatengsl stjórnmálamanna við atvinnulífið.

Einnig verður áhugavert að sjá hvort að samninganefnd Íslendinga muni koma fram fyrir hönd þjóðarinnar, eða einungis hluta hennar. Nú gæti einnig gefist kjörið tækifæri til að losna bæði við krónuna og verðtrygginguna.

Vissulega hafa sumir hagsmunaaðilar í landbúnaði áhyggjur af því að missa einokunartök, og þurfa hugsanlega að horfa fram á erfiðar breytingar, sem munu þó væntanlega skila sér fyrst og fremst í auknum þrýstingi á lægra vöruverð í íslenskum landbúnaði, meiri gæði og aukið framleiðslumagn.  

Þetta er skref í rétta átt, en það eru ennþá mörg ljón á þyrnistráðum veginum.

Ég átti alveg eins von á að aðildarviðræður yrðu ekki samþykktar. Nú vil ég óska Jóhönnu Sigurðardóttur og Alþingi til hamingju með þetta mikilvæga skref í átt til hins nýja sjálfstæðis íslensku þjóðarinnar.


mbl.is Yfirlýsing forsætisráðherra um ESB
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jóna Kolbrún Garðarsdóttir

Samninganefndin verður örugglega skipuð afdönkuðum stjórnmálamönnum, engin hæf eða menntuð samningamanneskja ( sérfræðingur í Evrópurétti) mun sitja við samningaborðið.  Það er mín trú, ef maður skoðar IceSlave samningana.  Hverju getum við átt von á???

Jóna Kolbrún Garðarsdóttir, 17.7.2009 kl. 04:01

2 identicon

Það getur nú varla kallast nýtt sjálfstætt Ísland þegar þanngað er inn gengið. Innganga myndi marka endi lýðræðis, lýðveldis, sjálfstæðis og fullveldis Íslands!

Jón Jónsson (IP-tala skráð) 17.7.2009 kl. 04:06

3 Smámynd: Sigurður Þorsteinsson

Sæll Hrannar

Það eru kostir og það eru gallar við það að ganga í ESB þessa þætti þarf að meta. Meirihluti þjóðarinnar vill fara í þessar viðræður, en jafnframt telur meirihluti þjóðarinnar að við munum ekki ná viðunandi árangri.

Þú nefnir upptöku evrunnar. Til þess að taka upp evru þurfum við að standast efnahagsleg skilyrði sem nú þegar nokkur lönd í ESB ekki gera. Miðað við okkar efnahagsástand er ekki líklegt að við getum tekið upp evru a.m.k. næstu 10 árin.

Hvað með vertrygginguna þá kem ég ekki auga á hvað hún hefur með ESB að gera.

Umræðan um ESB hefur ekki komist á rökrænt plan, sem hún þarf nauðsynlega að gera.

Á meðan ríkistjórnin hefur sett alla sína áherslu á að koma þessu máli í gegn, bíða öll stóru málin óleyst.

Það er vandamál líðandi stundar.  

Sigurður Þorsteinsson, 17.7.2009 kl. 07:34

4 Smámynd: Bjarni Kjartansson

ÞAð er svosem hægt að láta sig dreyma um Evrur - styrki og tilskud fleiri.

EN vakna!!

Þetta var á Eyjunni með tilvitnunum og allt.

Innlent - fimmtudagur, 16. júlí, 2009 - 10:29

Financial Times: Bretar og Hollendingar koma í veg fyrir ESB-aðild Íslands verði Icesave fellt

esb2.jpgSérfræðingar sem breska stórblaðið Financial Times hefur rætt við spá því að Bretar og Hollendingar muni koma í veg fyrir að Ísland fái aðild að Evrópusambandinu ef Alþingi fellir ríkisábyrgð á Icesave-samkomulaginu.

Þetta kemur fram í blaðinu í dag.

Financial Times fjallar um umræðurnar á Alþingi og í þjóðfélaginu um ESB og Icesave. Það vitnar í Svein Harald Oygard seðlabankastjóra sem segir að þjóðin geti staðið undir skuldabyrði Icesave, en segir að efasemdir séu um það meðal almennings.

Fleiri erlendir fjölmiðlar og fréttastofur fjalla um stöðu mála á Íslandi í dag, svo sem Wall Street Journal, BBC, Deutsche Welle og Reuters.

Líklegt að við höfum eitthvað að gera í klúbb sem er stjórnað af Nýlendukúurum og þjófum.

Mibbó

Bjarni Kjartansson, 17.7.2009 kl. 08:29

5 Smámynd: Hörður Valdimarsson

Hvar er þessi vonarneist. Kemur hann með aðild að ESB.Vildi endilega fá nánari útlistun á því hvernig þú færð það út. Nú lítur staðan þannig út að við erum að flytjast til baka á ár 2000 þ.e. ca 10 prósent atvinnuleysi í ESB og ekkért útlit fyrir hagvöxt á næstu árum. Finnst þér ekki glæsilegt ástand í Eystrasaltslöndunum eða nýríku löndunum í mið evrópu svo maður tali nú ekki um Þýskaland sem er með bílaframleiðslu sem menn borga með. Það er ekkert að sækja í ESB, og hlægilegt at líta á þessa tímasetningu fyrir umsókn. Ef iceslave verða samþykktir verður ekki tekin upp evra hér fyrr en í fyrsta lagi 2023. En þessi umsóknar aðild er einungis samþykkt þar sem ætlunin er að samþykkja iceslave. Nei þetta er ekki vonarneisti heldu sorgardagur þar sem gungurnar á alþingi létu berja sig í raun og veru til að samþykkja iceslave. 

Hörður Valdimarsson, 17.7.2009 kl. 10:07

6 Smámynd: Óskar Þorkelsson

sammála þér Hrannar..

Ég sé að miðbæjaríhaldið copy pastar í gríð og erg inn hjá öllum sem skrifa um málefnið :)

Óskar Þorkelsson, 17.7.2009 kl. 10:41

7 Smámynd: Hrannar Baldursson

ICESAVE og Evrópusambandið eru tvö gjörólík mál. Ég vil ganga í Evrópusambandið en ekki taka þátt í að greiða ICESAVE. Ef við samþykkjum ekki að greiða ICESAVE og sækjum samt um aðild að Evrópusambandinu á einfaldlega eftir að koma í ljós hversu mikil áhrif þessi skuldapakki hefur á umsóknina.

Ég er frekar ósáttur við þá þremenninga í Borgarahreyfingunni sem greiddu atkvæði gegn inngöngu í Evrópusambandið og finnst ekki rétt að reyna að beita aðra þrýstingi til að skipta um skoðun með hótunum. Það er pókerleikur fyrir neðan virðingu þeirra.

Allir geta gert mistök, og vonandi sjá þau að það er ekki sniðugt að spila pólitíska refskák á þingi. Þau ættu að einbeita sér að þeim málum sem þau eru að berjast fyrir en ekki snúa gegn þeim. Þessi pólitík virðist geta verið ansi sjálfsblekkjandi vél. Ég er ánægður með að Þráinn tók ekki þátt í vitleysunni öðruvísi en að standa með eigin sannfæringu.

Vonarneistinn felst í því að með aðild að ESB þurfa Íslendingar að sýna fram á að það sé réttarríki sem tekur á sínum málum af alvöru. Ég vona að þetta verði til þess að kvótakerfið verði lagt niður í þeirri óréttlátu mynd sem það er í dag og að auðlindir verði nýttar, ekki einungis í þágu þjóðarinnar, heldur einnig í þágu stærra heimssamfélags.

Ég skil einangrunarsinna ósköp vel. Breytingar eru stressandi. Þær geta þýtt að þeir sem hafa það gott geti tapað einhverju og þeir sem lítið eiga geta eignast eitthvað. Af hverju að rugga bátnum þegar hann þó siglir, jafnvel þó að hriplekur sé?

Hugsanlega mun það taka langan tíma að taka upp nýjan gjaldmiðil og slátra í leiðinni krónu og verðtryggingu, en með aðild að Evrópusambandinu er þó slík lausn á sjóndeildarhringnum, annað en þegar klíkufengnir hagsmunaseggir ráða öllu og taka einungis ákvarðanir sér í hag, en hafa minni áhuga á þjóðarhagsmunum.

Hrannar Baldursson, 17.7.2009 kl. 11:01

8 Smámynd: Bjarni Kjartansson

Enginn er ég einangrunarsinni.

Ég vil geta kosið viðskipti við aðra en ESB og þá sem eru með samniga við það þrönga bandalag.

Ekki getum við gert samninga við Kína, ekki NAFTA ; ekki við S-Ameríku og svo má lengi telja.

ÞEtta er okkur´nú heimilt og það höfum verið að gera. 

Ekkert mál er að taka upp US $ ef vill og þar með er náð festu í milliríkjaviðskiptum, vþví US$ er auðskiptur í alla gjaldmiðla og því ekki hindrun í viðskiptum við ESB .

Þið sem viljið einangra okkur í ESB eruð hinir sönnueinangrunarsinnar.

MBK

Mibbó

Bjarni Kjartansson, 17.7.2009 kl. 11:27

9 Smámynd: Axel Jóhann Axelsson

Hrannar, hefur ekki verið mikið ritað og rætt um spillinguna innan ESB?  Misnotkum ýmissa sjóða o.fl., o.fl.

Hver er eiginlega meiningin með þessari klausu þinni?  " Ég vona að þetta verði til þess að kvótakerfið verði lagt niður í þeirri óréttlátu mynd sem það er í dag og að auðlindir verði nýttar, ekki einungis í þágu þjóðarinnar, heldur einnig í þágu stærra heimssamfélags. "

Ekki getur þú verið að meina að Íslendingar hafi einir étið allan fisk af Íslandsmiðum.  Ertu að meina að opna skuli landhelgina fyrir hverjum sem er, til ótakmarkaðra veiða?  Hefur ekki ESB verið að tala um að breyta sínu fiskveiðistjórnunarkerfi yfir í "íslenska kerfið"?

Axel Jóhann Axelsson, 17.7.2009 kl. 11:48

10 Smámynd: Hörður Valdimarsson

Með því að sækja um aðild er verið að staðfesta icesave en bæði hollendingar og bretar hafa sagt að þeir samþykki ekki aðild Íslands nema icesave verði samþykkt. Þar með hanga þessi mál saman og hægt að segja að menn hafi skotið sig í fótinn. Með því að fara í aðildarviðræður nú er því verið að gefa hollendingum og bretum vopn til að hnýta í okkur aftur. Ekki fyrsta skipti sem þessi ríkisstjórn spilar rassinn úr buksunum. Þú þarft ekkert að vera svekktur með borgarahreyfinguna þeir sáu einfaldlega að aðild krefst þess að við samþykkjum icesave.Svo talað sé um spillingu þá er gríðarleg spilling innan ESB að auki hefur þar verið viðvarandi atvinnuleysi og lág kjör. Horfðu á uppreisnirnar í t.d. Frakklandi. Á sama tíma spáir AGS því að evrópa verði síðust til að komast út úr þessari kreppu. Hvað er svona gott í ESB, það get ég ekki séð. Það er dýrmært veganesti að hafa fiskinn í sjónum og orkuna í fallvötnum þ.s. það verður barist um brauðið í framtíðinni í orðsins fyllstu merkingu. Við erum að veita fleiri og fleiri einstaklingum aðgang að kjötkötlunum og því er það heillavænlegast að sitja á þessum auðlindum. Það hlýtur að verða hægt að hefta spillta stjórnmálamenn með öðrum hætti en að ganga í ESB

Hörður Valdimarsson, 17.7.2009 kl. 12:54

11 Smámynd: Magnús Sigurðsson

Það er gott að láta sig dreyma Don, en fjarlægðin gerir fjöllin blá og langt til Húsavíkur. 

Síðustu vikur hef ég verið að heyra í mörgum góðum vinum sem eru að yfirgefa landið.  Hætt er við að sú þróun sem framundan er verður svipuð og hefur verið á landsbyggðinni undanfarin ár, fólkið fer suður, nú fer það bara lengra suður. 

Með þessu leikriti sem  sem fram fór á Alþingi í gær er hætt við að þjóðin hafi verðið  klofin, virðing Alþingis endanlega fokið veg allrar veraldar og sjálfsbjargarviðleitnin drepin niður. 

SF stundum kölluð "Samspillingin" á stóran þátt í verðtryggðum uppgangi peningaaflanna þegar hún var lítill spilltur krataflokkur sem skreytti sig með því að kenna sig við alþýðu.  Það vill oft gleymast að þessi "flokkur" var við völd þegar hin 18 ára vegferð hófst sem kennd er við Sjálfsæðis- og Framsóknarflokk.

Eins má rifja upp hver var höfundur Húsbréfakerfisins sáluga þar sem afföllin fóru í 26% með 6% verðtryggðum vöxtum. 

Það er rétt að hafa í huga að höfundur þeirra hörmunga er í dag forsætisráðherra velferðarstjórnarinnar.  Sennilega er samt leiðinlegt að spilla hátíðleika dagsins með svoleiðis upprifjunum.

Magnús Sigurðsson, 17.7.2009 kl. 15:40

12 Smámynd: Óskar Þorkelsson

húsbréfin voru skilgetið afkvæmi Júlíusar Sólnes úr Borgaraflokknum..  Ég tapaði 25.7 % af eignum mínum í því kerfi..

Óskar Þorkelsson, 17.7.2009 kl. 15:58

13 Smámynd: Magnús Sigurðsson

Við erum þá þjáningabræður Óskar, sem sitjum enn uppi með nátttröll liðins tíma sem nú ætlar til Brussel svo vextirnir lækki og verðtryggingin verði afnumin.  Ekki er sjálfsbjargarviðleitninni fyrir að fara í þeim efnum frekar en fyrri daginn.

Magnús Sigurðsson, 17.7.2009 kl. 17:26

14 identicon

STADREYND NO. 1:  SPILLINGARFLOKKURINN OG FRAMSÓKNARSPILLINGIN eydilögdu thjódfélagid or rústudu efnahag thess. 

Thessir gerspilltu flokkar thjónudu hagsmunum fárra og gera thad enn thann dag í dag.

KVÓTAKERFID ER SÖNNUN THESS AD THESSIR FLOKKAR ERU FLOKKAR GLAEPAMANNA.

STADREYND NO. 2: EVRÓPUBANDALAGID ER GERSPILLT FYRIRBRIGDI.  INNSÝN ER ALLTOF LÍTIL.  Margoft er búid ad sýna ad their sem eru innstu koppar í búri thar geta plokkad fjarmuni til sín ad vild.

Ef ekki hefdi verid fyrir GLAEPASTARFSEMI Spillingarflokksins og Framsóknarspillingarinnar hefdi Ísland aldrei thurft ad saekja um inngöngu.

P  U  N  K  T  U  R

kORRi komdu heim!!! (IP-tala skráð) 17.7.2009 kl. 18:43

15 Smámynd: Guðbjörn Guðbjörnsson

Jóna Kolbrún:

Allar stofnanir - þ.á.m. sú stofnun sem ég vinn fyrir - eru byrjaðar að undirbúa sig undir þetta mál. Stofnanirnar þekkja ESB umhverfið auðvitað mismunandi vel, þ.e. eftir því hvort þær tengjast EES samningnum og hafa verið að innleiða ESB lagaumhverfi undanfarin ár. Allar þessar undirstofnanir, sem eru sérfræðingar hver á sínu sviði, koma síðan ábendingum til ráðuneytanna um hvað þarf að semja um, m.a. m.t.t. reynslu Norðurlandanna, en einnig útfrá samanburði á lagaumhverfi og framkvæmd stjórnsýslunnar hér á landi og innan ESB. Staðreyndin er nefnilega að framkvæmdin á reglum ESB er ekki allsstaðar eins. Við, sérfræðingarnir innan stofnanna, erum engir "amatörar" í þessum efnum. Ekki hafa áhyggjur.

Jón Jónsson:

Kanntu fleiri frasa?

Sigurður:

Þú munt sjá að við verðum fljótari að uppfylla Maastricht skilyrðin en 10 ár.

Bjarni:

Ekki trúa öllu sem þú lest í erlendum fjölmiðlum.

Guðbjörn Guðbjörnsson, 17.7.2009 kl. 19:48

16 identicon

Sjálfur hef ég ekki haft þann tíma sem til þarf til að kynna sér málin nægilega vel, en vil þó segja ykkur frá tveimur einstaklingum.

 Sá fyrri er íslenskur sjómaður í Noregi sem hljómaði í útvarpinu í gær að ég held.  Hann hélt því fram að Norðmenn væru steinhissa að við skyldum yfir höfuð vera að íhuga að fara í ESB.  Þegar Norðmenn stóðu í þessari umræðu hófu margar útgerðir á Spáni að endurnýja fiskiskip sín.  Þegar það varð svo loksins ljóst að Norðmenn felldu þessa ESB hugmynd út af borðinu urðu fjölmargar útgerðir Spánverja gjaldþrota þar sem þeir fengu ekki langþráðan aðgang að fiskimiðum Norðmanna.  Mér fannst þetta nokkuð trúleg frásögn og það kæmi manni ekkert á óvart að nú fari einhverjar útgerðir í Evrópu að stíma upp að landhelginni!

Sá seinni er Íslendingur sem býr í Luxembourg og hefur búið þar í allmörg ár, eflaust nálægt 20 ár.  Hann staðhæfir að ESB sé orðið svo mikið bákn, uppfullt af skrifræði, tregðu, miðstýringu og takmarkalausri spillingu sem toppi jafnvel gömlu Sovétríkin!!  Sel það ekki dýrara....

En, persónulega hallast ég að því að Íslendingar hafi í raun ekkert að gera í ESB.  Menn tala m.a. um lægra verð á landbúnaðarvörum.  Fyrir mér þýðir það einfaldlega stóraukinn INNFLUTNING á landbúnaðarvörum frá meginlandinu sem þar eru framleiddar á háum styrkjum til bænda, en miðað við hlutfallslega stærð Íslands (og þar af leiðandi atkvæðamagn) má reikna með að íslenskir bændur muni ekki njóta jafnhárra styrkja.

Varðandi virkjanir og fallvatnsorku þá velti ég því fyrir mér hvort ESB muni þrýsta á enn frekari virkjanaframkvæmdir á Íslandi þar sem flutningur raforku um sæstreng verður sífellt auðveldari og hagkvæmari.  Munum við sjá öðrum ríkjum ESB fyrir raforku með fleiri virkjunum, þrátt fyrir yfirlýsta stefnu um "grænt land, fagurt land"?  Það má endalaust sjá fyrir sér hvernig ESB myndi seilast í það góða sem Ísland hefur fram að færa, en ég á erfitt með að sjá hvað við fáum í staðinn.... 

Matti (IP-tala skráð) 18.7.2009 kl. 00:57

17 Smámynd: Ómar Ingi

Ehh NEI  þetta var það versta sem gat gerst en fólk vissi hvað koma skyldi eftir úrslit kosninga og nú ser líka fólk hver er hvað.

Ómar Ingi, 18.7.2009 kl. 14:13

18 Smámynd: Hólmfríður Bjarnadóttir

Ég hef ekki farið dult með þá skoðu mína að það sé mikið heillaspor fyrir okkur Íslendinga að ganga inn í ESB.  Ástæður þess og jafnfamt von um betri tíð eru;  stöðugur gjaldmiðill, hóflegir vextir, verðtrygging afnumin, lækkun matarverðs, fjölbreyttara atvinnulíf út um land, aðgangur að margskonar styrkjakerfi m.a. þar sem ísland er allt fyrir norðan 62° breiddagráðu, aukið öryggi í launamálum, aukið samstarf í menntun og rannsóknum, stóraukin uppbygging ferðaþjónustu og fleira og fleira. Þetta er okkar framtíð.

Hólmfríður Bjarnadóttir, 18.7.2009 kl. 23:16

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband