Óskarsverðlaunin 2009 - Úrslit og innskot frá Mickey Rourke

Ég vil byrja þennan pistil á þakkarræðu Mickey Rourke frá síðasta laugardagskvöldi, þar sem hann tók við verðlaunum fyrir besta aðalhlutverk karlmanns í sjálfstæðri kvikmynd.

 

 

Annars voru úrslitin á Óskarsverðlaununum þannig:

 

Besta kvikmyndin

Mitt val: Slumdog Millionaire

Sigurvegari: Slumdog Millionaire

SÁTTUR

 

Besti leikari í aðalhlutverki

Mitt val: Mickey Rourke

Sigurvegari:Sean Penn

 

ÓSÁTTUR

Mickey Rourke sýndi frammistöðu sem aldrei verður leikin eftir og enginn leikari hefði getað gert það sem hann gerði í þessu hlutverki. Aftur á móti tel ég hlutverk Sean Penn ekki hafa verið jafn krefjandi, þó að hann sé stórgóður leikari.

 

Besta leikkona í aðalhlutverki

Mitt val: Angelina Jolie

Sigurvegari:Kate Winslet

 

SÁTTUR
Winslet sýndi framúrskarandi leik í Revolutionary Road og mjög góðan í The Reader, en mér fannst Angelina Jolie samt slá henni við í Changeling - en alls ekki ef skoðuð er frammistaða hennar í Wanted.

Besti leikari í aukahlutverki

Mitt val: Michael Shannon

Sigurvegari:Heath Ledger

 

SÁTTUR

Þetta var fyrirsjáanlegur sigur Ledger, en andlát hans á mikinn þátt í þessum sigri, án nokkurs vafa. Samt var Michael Shannon frábær í Revolutionary Road.

 

Besta leikkona í aukahlutverki

Mitt val: Viola Davis

Sigurvegari: Penélope Cruz

 

SÁTTUR

Get ekki verið annað en sáttur þar sem ég hef ekki séð Vicky Christina Barcelona.

 

Besta leikstjórn

Mitt val: Danny Boyle fyrir Slumdog Millionaire

Sigurvegari: Danny Boyle fyrir Slumdog Millionaire

 

SÁTTUR

 

Besta frumsamda handrit

Mitt val: In Bruges

Sigurvegari: Milk

 

ÓSÁTTUR

Morðið á Milk er látið líta út fyrir að vera pólitísk valdbeiting gegn samkynhneigðum, og sannleikurinn virðist svolítið teigður með því að gera Milk að meiri hetju en hann var í raun og veru. En svona er dramatíkin. 

 

Besta aðlagaða handrit

Mitt val: Doubt

Sigurvegari: Slumdog Millionaire

 

SÁTTUR

 

Besta teiknimyndin

Mitt val: Bolt

Sigurvegari: WALL-E

 

SÁTTUR

Gat ekki farið öðruvísi, en Bolt er samt skemmtilegri teiknimynd en WALL-E. Ég stend við það.

 

Besta kvikmyndatakan

Mitt val: The Dark Knight

Sigurvegari: Slumdog Millionaire

 

ÓSÁTTUR

Kvikmyndatakan í The Dark Knight var frumleg og skemmtileg, en hins vegar var kvikmyndatakan úr Slumdog Millionaire nánast afrit af brasilísku snilldinni Cidade de Deus.

 

Besta klippingin

Mitt val: Slumdog Millionaire

Sigurvegari: Slumdog Millionaire

 

SÁTTUR

 

Besta sviðsmyndin

Mitt val: The Dark Knight

Sigurvegari: The Curious Case of Benjamin Button

 

ÓSÁTTUR, en samt ekki. Það besta við Benjamin Button var sviðsetningin, en myndin fannst mér bara ekki nógu góð til að eiga heima í Óskarskapphlaupinu.

 

Bestu búningar

Mitt val: Revolutionary Road

Sigurvegari: The Duchess

 

SÁTTUR, enda hef ég ekki séð The Duchess.

 

Besta föðrun

Mitt val: The Dark Knight

Sigurvegari: The Curious Case of Benjamin Button

 

ÓSÁTTUR, förðunin í Benjamin Button var gervileg og dró of mikla athygli að sjálfri sér.

 

Besta kvikmyndatónlist

Mitt val: WALL-E

Sigurvegari: Slumdog Millionaire

 

SÁTTUR

 

Besta lagið

Mitt val: Down to Earth úr WALL-E

Sigurvegari: Slumdog Millionaire

 

ALVEG SAMA

 

Besta hljóð

Mitt val: The Dark Knight

Sigurvegari: Slumdog Millionaire

 

SÁTTUR

 

Besta hljóðblöndun

Mitt val: Iron Man

Sigurvegari: The Dark Knight

 

SÁTTUR

 

Bestu tæknibrellur

Mitt val: Iron Man

Sigurvegari: The Curious Case of Benjamin Button

 

ÓSÁTTUR  - Horfðu á þessar tvær myndir hlið við hlið og dæmdu aftur. Iron Man hefur framúrskarandi tæknibrellur og ef réttlæti væri til í heiminum þá hefði hún tekið þetta. En réttlætið er greinilega ekki til og því verðum við að búa það til.

Viltu vinna milljarð? sigraði

Athugasemdir

[Satan (IP-tala skráð) 23.2.2009 kl. 19:28]

Skemmtilegur pistill. Sérstaklega sammála með besta leikara. Það sauð á mér þegar Sean Penn fékk útnefninguna. Hann er auðvitað stórgóður leikari og sýnir flotta frammistöðu í Milk, en Rourke er bara svo yfirgengilega góður í The Wrestler að það er leitun að öðrum eins leiksigri.

Þetta var sá verðlaunaflokkur sem mér fannst minnst samkeppni vera í. Rourke bar einfaldlega höfuð og herðar yfir andstæðinga sína. Þetta er enn einn vitnisburðurinn um klíkuskapinn og aulaheitin í þessari Akademíu, sem getur ekki sætt sig við að "bad boy" eins og Rourke hljóti Óskar.

[Ómar Ingi, 23.2.2009 kl. 20:33]

Sean Penn átti þetta skilið Rourke er góður númer 2 , samt munaði bara nokkrum atkvæðum á þeim.

Sáttur

[. (IP-tala skráð) 23.2.2009 kl. 22:27]

Flott ræðan hjá rourke :)

[Þórður Helgi Þórðarson, 24.2.2009 kl. 09:27]

Rourke var ekkert að leika..... á hann að fá verðlaun fyrir að vera aumingi?

[Doddi - Þorsteinn G. Jónsson (IP-tala skráð) 24.2.2009 kl. 16:33]

Tek undir með Omma, að því leytinu að Penn var skrefinu betri fannst mér. Endurrisa Rourke er algjör Hollywood-draumur frá a-ö og að fá verðlaun hefði verið svo frábært hjá honum, en þegar um frábæra leikara er að ræða ... þá er það alltaf einhver sem "vinnur" og í þetta skiptið var það Penn. Rourke vann BAFTA, Independendt og fleiri verðlaun nýlega ... var með frábærar þakkarræður ... en Sean Penn stóð sig ekkert illa í þakkarræðunni sinni hér. Ég er sáttur. Ég spáði Rourke sigri en ég hefði kosið Penn ... þannig að svona er nú það.

Flottur pistill

[Hildur Helga Sigurðardóttir, 24.2.2009 kl. 19:09]

Skemmtilegur pistill, því miður ekki hægt að kommenta á allt í honum, enda ekki allir jafn duglegir að fara í bíó og þú Hrannar.  (Þrái þó alveg sérstaklega að sjá "Umskiptinginn", ef hún er enn í sýningu...) Hef þó séð hitt og þetta af því sem þú nefnir hér að ofan, m.a. Slumdog...  Mæli eindregið með bókinni; fullkomin á náttborðið, svona nútíma Þúsundogeinnótt -fyrir börn og fullorðna.  Er síðan ekki sammála þeirri gagnrýni að ekki megi gera ævintýri úr slömminu.   Hvers vegna ekki ?   Geta draumar ekki ræst þar sem annars staðar ?

Penn er auðv. bara svo fantafínn leikari að hann á skilið Óskar bara fyrir að labba yfir götu. 

 Var svo alltaf soldið veik fyrir Rúrk í denn -enda var hann einn af þeim sem kona tók strax eftir í pínulitlu aukahlutverki fyrir margt löngu.   Man einhver hvað sú mynd hét ?  Þetta var svona moment eins og Jack Nic. í Easy Rider.(Kannski aðeins minna, enda minnir mig að Jack hafi fengið aukahl. Óskar fyrir þá rullu.  En það geta nú ekki allir byrjað eins flott og Jack)

Nema hvað, að þó dýravinur sé, er ég afskaplega fegin því, fyrir hönd M.R. að rottan sem hann hefur látið sjá sig með á handleggnum undanfarið -og var þvílíkt anti-kúl fyrir svona mann- skyldi verða sjálfdauð fyrir þessa verðlaunaafhendingu.   Vona bara að hann fái sér ekki aðra -eða detti aftur íða útaf vonbrigðum m. Óskarsleysið.   Því má hann ekki við, blessaður.

[Oddur Ingi (IP-tala skráð) 25.2.2009 kl. 15:48]

ekki sammála þér að förðunin í Benjamin Button hafi verið gervileg. Fannst hún frábær