Íslendingar heimsmeistarar í grunnskólaskák!

Lengstu tveimur klukkustundum í lífi mínu lauk núna rétt áðan. Salaskóli þurfti að vinna S-afríska sveit 3-1 til að tryggja sér titilinn, en það væri ef hin sveitin sem var að keppa við okkur um 1. sætið næði 4-0 sigri á Qatar U-14.

Þetta var æsispennandi.

Páll Snædal Andrason vann sína skák á 20 mínútum. Þá þurftum við aðeins tvo til viðbótar og sigurinn í höfn. Stuttu síðar sigraði Qatar á 1. borði mjög örugglega, en Birkir Karl Sigurðsson, hinn snjalli varamaður Salaskólaliðsins hafði heitið á 1. borðsmann Qatar að ef honum tækist að vinna gæfi hann honum ísbjarnarleikfang. Snjallræði hjá Birki! Mætti kalla þetta ísbjarnabragð! Nú þurftum við bara einn vinning til að tryggja okkur sigur.

Þá tapaði Guðmundur Kristinn Lee eftir miklar flækjur á 4. borði. Staðan hjá Qatar og S-Afríku var jöfn á þeirra 4. borði, en Qatar drengurinn tefldi betra endatafl mjög illa og koltapaði þeirri skák. Spennan hékk ennþá í loftinu. 

Nú var komið að Jóhönnu Björgu Jóhannsdóttur. Hún hafði í upphafi skákar náð fínni stöðu, var peði yfir; en tapaði því svo aftur. Andstæðingnum tókst að koma hrókunum innfyrir vörn Jóhönnu, en samt tókst henni að standa í honum. Eftir að hafa loks snerið á hann og komin með frípeð og öruggt jafntefli, þar sem andstæðingurinn þurfti að þráskáka hana til að hún fengi ekki drottningu, þá var hún aðeins of bjartsýn, ætlaði sér að vinna frekar en ná jafntefli; lék af sér peðinu og tapaði. Nú var okkar helsta von að  Patrekur næði að knýja fram sigur.

Í þá mund tókum við eftir að Qatar voru manni yfir á þriðja borði. Þegar þeirri skák lauk með sigri Qatar var heimsmeistaratitillinn í höfn. Patti þurfti ekki að vinna síðustu skákina. Sigurinn var gulltryggður.

Patrekur Maron Magnússon lauk sinni skák með jafntefli, og tryggði Íslendingum vinnings forskot á næstu sveit. Þar með var heimsmeistaratitillinn í höfn. Qatar tapaði á 2. borði, en það skipti ekki lengur máli.

Úrslit í U-14

1. sæti: Salaskóli, Ísland, 17 vinningar

2. sæti: Gene Louw Primary, S-Afríka, 16 vinningar

3. sæti: Uitkyk Primary, S-Afríka, 13,5 vinningar (8 stig)

4. sæti: Qatar: 13,5 vinningar (6 stig)

 

Einstaklingsárangur:

1. borð: Jóhanna Björg Jóhannsdóttir (2 vinningar / 9)

2. borð: Patrekur Maron Magnússon (6 vinningar / 9)

3. borð: Páll Snædal Andrason (5 vinningar / 9)

4. borð: Guðmundur Kristinn Lee (3,5 vinningar / 7)

Varamaður: Birkir Karl Sigurðsson   (0,5 vinningur / 2)

 

Keppendur vilja þakka eftirtöldum stuðninginn:

• Kópavogsbæ
• Glitni
• Skáksambandi Íslands
• Salaskóla 
• Tómasi Rasmus
• Eddu Sveinsdóttur
  
• Hafrún Kristjánsdóttur
• Sigurði Braga Guðmundssyni
• Eiríki Erni Brynjarssyni
• Ragnari Eyþórssyni
• Ómari Yamak
  
• Foreldrum og aðstandandum keppenda og þjálfara 
• Öllum þeim Íslendingum sem studdu okkur og hvöttu í orði og verki

Athugasemdir

[Haraldur Bjarnason (IP-tala skráð) 18.7.2007 kl. 11:57]

Til hamingju með titilinn ,frábær árángur.

[Páll Sigurðsson (IP-tala skráð) 18.7.2007 kl. 11:57]

Til hamingju aftur.

Frábær árangur.

kv. Páll Sigurðsson 
Taflfélagi Garðabæjar

[Snorri Bergz, 18.7.2007 kl. 12:03]

Snilld! Til hamingju með krakkana Hrannar.

Þú stendur þig líka vel. Gleymist oft að taka fram þá, sem standa að tjaldabaki.

Kveðjur út

 Bergzmuppetið

[Anna Brynja Baldursdóttir (IP-tala skráð) 18.7.2007 kl. 12:13]

Innilega til hamingju með þennan stórkostlega árangur!!

Algjörlega FRÁBÆRT !!

HÚRRA HÚRRA HÚRRA !!

[Marinó G. Njálsson, 18.7.2007 kl. 12:17]

Til hamingju til allra í skáksveit Salaskóla og til hamingju til skólans sjálfs.  Hrannar, það er búið að vera gaman að fylgjast með skrifunum þínum

Kveðja 

[Gunnar Björnsson, 18.7.2007 kl. 12:53]

Til hamingju með þetta krakkar og þú líka Hrannar.

Glæsilegt.  Og sem formaður Hellis er ég auðvitað einkar stoltur af krökkunum sem allir eru félaginu.

Kveðja,
Gunnar

[Steini Briem (IP-tala skráð) 18.7.2007 kl. 13:05]

Til hamingju, krakkar mínir! Hverjir eru bestir?!

[Sigurlaug Regína Friðþjófsdóttir (IP-tala skráð) 18.7.2007 kl. 13:15]

Til hamingju með frábæran árangur!!!

Kveðja,

Sigurlaug Regína

[Hilmar Friðjónsson (IP-tala skráð) 18.7.2007 kl. 13:30]

Hrannar, til hamingju með þennan árangur.  Sterkir keppendur þurfa ætíð sterka og góða menn á hliðarlínunni.

 kveðja,

Hilmar Friðjónsson, VMA

[Karl Gauti Hjaltason, 18.7.2007 kl. 13:46]

Innilega til hamingju, Hrannar og Tómas, Jóhanna, Patrekur, Páll, Guðmundur og Birkir.  Kveðjur frá Taflfélagi Vestmannaeyja.

Karl Gauti.

[Hugrún Sif (IP-tala skráð) 18.7.2007 kl. 13:51]

Glæsilegt, til hamingju Hrannar og krakkar í Salaskóla!

Er búin að fylgjast spennt með úrslitunum hér á blogginu

Kveðja,

Hugrún Sif

[Guðfríður Lilja Grétarsdóttir (IP-tala skráð) 18.7.2007 kl. 13:51]

Innilegar hamingjóskir til ykkar allra með glæsilegt afrek! Við erum óskaplega stolt af ykkur!

[Margrét Sveinsdóttir (IP-tala skráð) 18.7.2007 kl. 14:02]

Til hamingju með heimsmeistaratitilinn í skák.   Þið eruð frábær!

Kveðja,

Margrét, kennari í Salaskóla

[Svenni Jóns (IP-tala skráð) 18.7.2007 kl. 14:11]

Til hamingju vinur.  Vissi alltaf að þú hlytir að vera besti skák þjálfari heims.  Greinilega búin að ná því allra besta út úr þessum krökkum.  Sjáumst fljótlega yfir spili.   Kær kveðja, Svenni

[Hrannar Baldursson, 18.7.2007 kl. 15:04]

Þakkir fyrir góðar kveðjur, kæru vinir. 

(Patti var að koma til mín. Hann langar að fara yfir skákina sína.)

Það lítur út fyrir að öll börnin í liðinu fái CM titil (Candidate Master) frá FIDE. Ég bið fulltrúa skáksambandsins sem kíkja á þetta blogg að hjálpa mér með umsóknir fyrir börnin.

[Snorri Bergz, 18.7.2007 kl. 15:17]

Þeir, krakkarnir, verða þá fyrstu CM landsins. Nema Haddi bé hafi þegar sótt um, án þess að ég viti til.

Ég ítreka hamingjuóskir mínar.

SGB

[Helgi Jóhann Hauksson, 18.7.2007 kl. 15:46]

Hjaratanlegustu hamingjuóskir til ykkar allra og skólans - og svo auðvitað Kópavogsbæjar og Íslands :)

[Páll Sigurðsson (IP-tala skráð) 18.7.2007 kl. 16:38]

Ekkert mál að sækja um titlana.

Ásdís gengur frá þessu þegar hún kemur aftur úr sumarfríinu.

 En líklega á þetta ekki við um alla.

 Þurfa að tefla amk. 7 skákir og fá 50% eða hærra vinningshlutfall.

The first team-winner in each age category of School Team Tournament is the FIDE World School Team Champion for 2007.
FIDE shall award the title of FIDE Candidate Master to each player of the winning team, subject to the individual achieving 50% from games played.

 og á fide síðunni má sjá

  World or Continental Team Ch.7 games >= 66.66%7 games >= 50%

Það eru því líklega bara Nafni og svo Patrekur auk Guðmundar sem uppfylla þessi skilyrði. Spurning jafnvel hvort Petrekur eigi séns á FM titli, þó mér finnist það ólíklegt.

[arnar valgeirsson, 18.7.2007 kl. 17:06]

magnað hjá ykkur og hjartans hamingjuóskir. allir þvílikt stoltir af krökkunum. óska þér hinsvegar sérstaklega til hamingju með að vera í heimsmeistaraliði, það fór víst bara svo, ha.

[Hulda Björnsdóttir (IP-tala skráð) 18.7.2007 kl. 17:15]

Frábært og til hamingju, ég er mjög stollt af ykkur,   bestu kveðjur

Hulda Björnsdóttir deildarstjóri í Salaskóla

[Ásdís Sigurðardóttir, 18.7.2007 kl. 22:11]

Innilega til hamingju með þennan frábæra árangur. 

[Ólafur Týr Guðjónsson (IP-tala skráð) 18.7.2007 kl. 22:20]

Kæru skákfélagar, gott hjá ykkur!!!!! Til hamingju með titilinn.

Óli Týr, Bjartur Týr og Ólafur Freyr frá Vestmannaeyjum

[Steingerður Steinarsdóttir, 18.7.2007 kl. 22:33]

Til hamingju Hrannar minn. Þetta er stórkostlegt og kannski ekki við öðru að búast af börnum sem höfðu jafnfrábæran þjálfara.

[Hafsteinn Karlsson (IP-tala skráð) 18.7.2007 kl. 23:25]

Til hamingju! Við í Salaskóla erum öll gríðarlega stolt af ykkur. Hlakka til að hitta ykkur heimsmeistarana.

Hafsteinn skólastjóri

[Guðni B. Guðnason (IP-tala skráð) 19.7.2007 kl. 08:31]

Til hamingju Hrannar og allt keppnisliðið.

Frábært hjá ykkur !

[Ragnar Gunnarsson (IP-tala skráð) 20.7.2007 kl. 18:50]

Komdu sæll frændi.

Langaði að óska þér og liðinu innilega til hamingju með frábæran árangur.

Væri gaman að heyra frá þér, maður heldur alltof litlu sambandi við frændfólk sitt og fyrrverandi kennara ;)

Kveðja úr Borgarnesi

Ragnar frændi 

[e-mail] 

[Ómar Ingi, 20.7.2007 kl. 20:57]

Innilega til hamingju þetta er FRÁBÆR árangur.

Fálkaorðuna á allt liðið  takk fyrir

SNILLD.

[mongoqueen, 20.7.2007 kl. 21:55]

Innilega til hamingju með þennan árangur!

[María Kristjánsdóttir, 21.7.2007 kl. 08:40]

Innilega til hamingju. gaman að sjá að stúlka var í liðinu - þegar ég var 12 ára reyndi ég ásamt bekkjarsystur minni að ganga í Skákfélag Hafnarfjarðar- það var hlegið að okkur. Okkur fer hægt en bítandi fram.

[Hrannar Baldursson, 21.7.2007 kl. 11:41]

Kærar þakkir enn og aftur fyrir hlýjar kveðjur og góða móttöku heim.

[arnar valgeirsson, 21.7.2007 kl. 19:11]

sæll hrannar. var að bíða eftir nýrri færslu en skil bara eftir skilaboð hér, sem eru: þið heimsmeistararnir eruð semsagt aldeilis boðin velkomin á mótið í vin, hverfisgötu 47 á mánudaginn kl. 13:00.

allir fá vinninga frá bóka- og tónlistarútgáfunni SÖGUR og svo er flott kaffiborð eftir mótið. við í skákfélagi vinjar viljum sko endilega fá að kljást við heimsmeistara. setti inn eina færslu þar sem ég minni á mótið.

bestu kveðjur, Arnar

[Skúli Páls (IP-tala skráð) 23.7.2007 kl. 17:14]

Til hamingju! Frábærir krakkar - og þjálfarinn hefur sitt að segja.

[Dóra Vilhjálmsdóttir (IP-tala skráð) 24.7.2007 kl. 09:53]

Til hamingju með frábæran árangur!

 kv.

 Dóra, Brynjar og Eiríkur Örn

[elías elías elías (IP-tala skráð) 24.7.2007 kl. 10:59]

Ég vil ekki vera leiðinlegur en haltu nú áfram með fjárans kvikmyndalistann. Takk fyrir.

[Steini (IP-tala skráð) 24.7.2007 kl. 18:24]

Hjartanlega til hamingju með frábæran árangur, landi og þjóð til sóma

 Verst hvað það var fjallað litið um þetta í fjölmiðlum, rétt aðeins minnt á þetta, ekki á hverjum degi sem við litla þjóðin eigum heimsmeistara í íþrótt.

Haltu áfram því góða starfi sem þú ert að skila

 kv

Steinn