Hafa Íslendingar tapað forgangsrétti á náttúruauðlindum sínum?

Ég sé mig knúinn til að skrifa stutta grein um þetta Magma mál. Það er nokkuð ljóst að algjör lögleysa ríkir hjá stjórnvöldum. Þau hafa tekið afstöðu lagatækna til laga og finnst litlu skipta hvað er rétt og hvað rangt, hver andi laganna sé, svo framarlega sem hægt er að finna lagakróka í kringum hlutina.

Það er ljóst að kanadískt fyrirtæki er ekki sem lögaðili heimilisfast í sænsku skúffufyrirtæki. Heimilisfesti er þegar einhver á heima á staðnum, í raun og veru, ekki bara í þykjustinni. Til dæmis fá atvinnulausir Íslendingar varla atvinnuleysisbætur ef þeir búa erlendis, þó þeir séu enn skráðir með lögheimili á Íslandi.

Úr lögum (4.gr. laga nr. 34/1991): Íslenskir ríkisborgarar og aðrir íslenskir aðilar mega einir eiga virkjunarréttindi vatnsfalla og jarðhita önnur en til heimilisnota. Sama á við um fyrirtæki sem stunda orkuvinnslu og orkudreifingu. Sama rétt hafa einstaklingar sem búsettir eru í öðru aðildarríki samningsins um Evrópska efnahagssvæðið, öðru aðildarríki stofnsamnings Fríverslunarsamtaka Evrópu eða Færeyjum og lögaðilar sem heimilisfastir eru í öðru aðildarríki samningsins um Evrópska efnahagssvæðið, öðru aðildarríki stofnsamnings Fríverslunarsamtaka Evrópu eða Færeyjum.

Sé þetta mögulegt skipta lög nákvæmlega engu máli og Íslendingar hafa engan forgangsrétt rétt til að lifa af á Íslandi umfram annað fólk í heiminum. 

Mér finnst merkilegt að VG og Samfylkingin skuli verja slíkt, en átti svosem aldrei von á öðru. Þessir flokkar eiga það helst sameiginlegt að vilji þeirra er allur á pappírum og kenningum, en afar fjarri verki. Aðrir flokkar eru ekkert skárri, enda stjórnkerfið meingallað.

Það eitt að stjórnvöld sem á viðurkenndan hátt þiggja mútur opinberlega og geta réttlætt þær með að kalla þær styrki, segir meira en þarf um hversu rotið íslenskt stjórnkerfi er og hversu óréttlátt það hlýtur að vera, og hversu óhugsandi er fyrir slíkt kerfi að leita sanngirnis og velferðar fyrir almenning í landinu.

Athugasemdir

[Óskar Þorkelsson, 14.7.2010 kl. 14:36]

god nalgun Hrannar.. eg hafdi ekki skodad thetta fra thessu sjonarhorni..

[Svarta beltid (IP-tala skráð) 14.7.2010 kl. 16:39]

Nú er svo komid ad íslendingar hafa litlu sem engu ad tapa...ja..nema kannski skuldunum..og thá er haetta á ad uppúr sjódi.  Thegar hefndin ein er eftir...

Stjórnmálamenn hafa gersamlega slaegt thjódina.  Sennilega thyggja flestir theirra mútur.  Thessi tilraun til thjódar hefur mistekist.  Byrjadi 1944 fyrir alvöru og er ad sigla í strand vegna heimsku landsmanna.  

Thjód sem hefur látid kvótakerfid vidgangast í meir en aldarfjórdung hefur illilega bilada sidferdisvitund og er thar ad auki heimsk.  

Hvad annad en heimska og óheidarleiki rústar thjód med gífurlegar audlindir í landi og í hafi umhverfis landid?

Helstu sökudólgar eru Halldór Ásgrímsson og Davíd Oddsson ásamt fíflunum sem kusu kvikindin.

[Svarta beltid (IP-tala skráð) 14.7.2010 kl. 16:55]

err....thiggja

[Hrannar Baldursson, 14.7.2010 kl. 17:57]

Óskar: takk. Þetta virðast augljós lögbrot af hálfu ríkisstjórnar.

Svarta beltið: Það er enn verið að brjóta gegn mannréttindum Íslendinga, og ekki voru þeir Halldór og Davíð í framboði fyrir síðustu kosningar, né á þingi. Betra væri að setja upp gleraugun sem horfa á nútímann. Það eru núverandi stjórnvöld sem gera allt til að halda völdum fyrir sig og sína, og þeim virðist nakvæmlega sama um afleiðingarnar. 

Skipið má sökkva, svo framarlega sem að hraðbátur kemur skipstjórnendum í land á síðasta augnabliki, virðist vera hugarfarið á þeim bátnum.