Er Evróvisjónlagið í ár svanasöngur íslensku þjóðarsálarinnar?

11 ára dóttir mín hefur verið dugleg að mæla með  íslenska Evróvisjónlaginu hérna í Noregi, og segir öllum sem vilja heyra að þetta sé ekkert venjulegt lag, að það sé eins og Ísland sjálft sé að syngja og gera upp við fortíð sem var meiri blekking en veruleiki.

Sjálfum er mér nokkuð sama í hvaða sæti lagið lendir. Ég læt það duga að mér finnst lagið fallegt og að börnin mín séu hrifin af því. Ekkert sæti eða stig getur breytt því.

Mér finnst túlkun dóttur minnar áhugaverð, enda hefur hún upplifað íslensku kreppuna á frekar dramatískan hátt, séð föður sinn missa vinnuna, og upplifað þá erfiðu ákvörðun foreldra sinna að flytja frá Íslandi. Hún hefur byrjað í nýjum skóla þar sem framandi tungumál er talað, og stendur allt í einu frammi fyrir gjörbreyttum heimi.

Ég læt texta lagsins og lagið sjálft fylgja með svo að þú getir dæmt um hvort að túlkun dóttur minnar gangi upp eða ekki. Til þess að gera þetta almennilega langar mig að þýða textann yfir á íslensku, og biðst fyrirfram afsökunar reynist hann klaufalegur, en þýðingar á söngtextum er ekki ein af mínum sterku hliðum.

Ég ímynda mér að sögumaður sé hinn almenni Íslendingur sem hefur upplifað sig svikinn eins og í ástum af stjórnmálamönnum, fjárglæframönnum og útrásarvíkingum sem tókst að blekkja alþjóð með því nánast að múta þjóðinni allri með þeirri sögu sem flestir Íslendingar vildu trúa; að engin þjóð væri betri, klárari, fallegri, hamingjusamari eða ríkari en sú íslenska. Það er hægt að deila um hvort að með Hruninu hafi Íslendingar þegar glatað sjálfstæði sínu. Ef svo er, gæti þetta lag verið réttnefnt sem svanasöngur íslensku þjóðarsálarinnar.

Is It True?

Er það satt?

You say you really know me You’re not afraid to show me What is in your eyes So tell me ’bout the rumors Are they only rumors? Are they only lies? Falling out of a perfect dream Coming out of the blue Is it true? Is it over? Did I throw it away? Was it you? Did you tell me You would never leave me this way? If you really knew me You couldn’t do this to me You would be my friend If one of us is lying There’s no use in trying No need to pretend Falling out of a perfect dream Coming out of the blue Is it true? Is it over? Did I throw it away? Was it you? Did you tell me You would never leave me this way Is it true? Is it over? Did I throw it away? Was it you? Did you tell me You would never leave me this way Is it real? Did I dream it? Will I wake from this pain? Is it true? Is it over? Baby, did I throw it away? Ooh… is it true

Þú segist hug minn skilja og vilt af fullum vilja deila þinni sál Segðu mér um slúðrið Er það bara slúður? Er það logið mál? Að vakna eftir fagran draum út úr heiminum týnd Er það satt? Er það búið? Fór það allt fyrir borð? Varst það þú? Sagðir þú mér Að við gætum treyst á þín orð? Ef þú skildir hug minn Eins og ég elska hug þinn værir þú vinur minn Ef annað okkar lýgur traust úr æðum sýgur engan vin ég finn Að vakna eftir fagran draum út úr heiminum týnd Er það satt? Er það búið? Fór það allt fyrir borð? Varst það þú? Sagðir þú mér Að við gætum treyst á þín orð? Er það satt? Er það búið? Fór það allt fyrir borð? Varst það þú? Sagðir þú mér Að við gætum treyst á þín orð? Er það satt? Var það draumur? Mun ég vakna frá sorg? Er það satt? Er það búið? Ástin, fór það allt fyrir borð? Ó... er það satt?

Jóhanna verður 7. í röðinni

Athugasemdir

[ASE (IP-tala skráð) 13.5.2009 kl. 09:36]

Nákvæmlega það sama og mér fannst þegar ég heyrði lagið í fyrsta sinn.  Kreppusöngurinn okkar!!!!  BTW, þýðingin þín er þrusu góð :-)

Gangi ykkur vel í Noregi.

[Ómar Ingi, 13.5.2009 kl. 10:43]

Það segja alla Evróvision viftur hérna að Noregur vinni !!.

[Ég át upp allan mygluostinn....ég gat bara ekki stödvad mitt át. (IP-tala skráð) 13.5.2009 kl. 12:02]

Lucky 7 baby...LUCKY SEVEN!!

Annars er thad rétt sem thú segir....thad er sama hvar lagid endar hvad stigagjöf vardar.  Thetta er gott lag og mög vel sungid.

[Ásdís Sigurðardóttir, 13.5.2009 kl. 16:24]

Snilld hjá þér, heyrði einmitt þessa túlkun í gær, að þjóðin væri að syngja þetta í tilefni horfins góðæris.  Heia Norge.

[Margrét Sigurðardóttir, 13.5.2009 kl. 18:58]

Hef upplifað þetta fallega, vel sungna lag sem afsökunarbeiðni Íslendinga til umheimsins.

[Sigurður Þór Guðjónsson, 13.5.2009 kl. 21:37]

Þetta virðist nú bara vera ástarvellutexti og hafa ekkert með kreppu að gera.

[Hilmar Gunnlaugsson, 13.5.2009 kl. 21:44]

Ég tel textan ekki hafa með kreppu að gera

[Linda (IP-tala skráð) 14.5.2009 kl. 08:11]

Sjálfssagt hafði þetta blessaða lag ekkert átt að hafa með kreppu að gera, en textinn minnir samt óneitanlega á afneitun Íslendinga - Is it true, is it over? Fékk þessa tilfinningu líka þegar ég heyrði lagið. Gangi ykkur vel í Norge.

[Birna Guðmundsdóttir, 14.5.2009 kl. 09:39]

Segi ekki annad en ad stelpan er einstaklega skýrt og hugsandi barn!  Gaman ad fá textann á íslensku hjá thér. Heylsur í bæinn til "næturdrottningarinnar" gangi ykkur allt í haginn -hvar sem er í heiminum!  Muna svo ad kjósa á laugardaginn! 

[Brjánn Guðjónsson, 14.5.2009 kl. 14:08]

kreppa í ástarlífinu

[Hafliði Ingason (IP-tala skráð) 15.5.2009 kl. 22:56]

Varstu nokkuð að fá þér norskt hóstasaft þegar þú vippaðir þessu yfir?

[Hrannar Baldursson, 16.5.2009 kl. 00:53]

Takk fyrir athugasemdirnar.

Áfram Ísland!